Top 1 most wanted person ng NPD, nalambat ng Navotas police
- Published on November 5, 2024
- by @peoplesbalita
ISANG lalaki na itinuturing bilang top 1 most wanted person ng Northern Police District (NPD) ang nalambat ng pulisya sa isinagawang manhunt operation sa Navotas City, kamakalawa ng hapon.
Ayon kay Navotas police chief P/Col. Mario Cortes, nakatanggap sila ng impormasyon hinggil sa kinaroroonan ng akusadong si alyas “Ricky”, 51, residente ng lungsod.
Agad inatasan ni Col. Cortes ang Warrant and Subpoena Section (WSS) na bumuo ng team para sa isasagawang pagtugis sa akusado na nasa top 3 most wanted person (station level).
Kasama ang mga tauhan ng Station Intelligence Section (SIS) at Police Sub-Station (SS4), agad naglunsad ng joint manhunt operation ang WSS na nagresulta sa pagkakaaresto sa akusado dakong alas-4:35 ng hapon sa Lapu Lapu St., Brgy. NBBS Kaunlaran.
Ang akusado ay binitbit ng mga tauhan ni Col. Cortes sa bisa ng warrant of arrest na inisyu ni Pairing Judge Rhoda Magdalene-Osinada ng Regional Trial Court Branch 170, Malabon City, na may petsang September 30, 2024, para sa kasong Murder.
Pansamantalang nakapiit ang akusado sa custodial facility unit ng Navotas police habang hinihintay ang pagpapalabas ng commitment order mula sa korte.
Pinuri naman ni NPD OIC Director P/Col. Josefino Ligan ang Navotas police sa kanilang pagsisikap na tugisin ang mga taong wanted na pinaghahanap ng batas na nagresulta sa pagkakaaresto sa akusado. (Richard Mesa)
-
Pacquiao- Mayweather malabo na!
WALANG balak si undefeated American boxer Floyd Mayweather Jr. na muling makasagupa si eight-division world champion Manny Pacquiao sa isang laban. Kahit pa exhibition match, hindi ito papatusin ni Mayweather. Ito ang mariing inihayag ng American fighter matapos ang kanyang exhibition match kay Japanese mixed martial arts fighter Mikuru Asakura sa […]
-
JOHN LLOYD, ipinakita kay JASMINE ang pagiging simple tulad ng karaniwang tao
MARAMING natutunan si Jasmine Curtis-Smith mula sa mahusay na actor na si John Lloyd Cruz, na unang beses nilang nagsama sa pelikulang ‘Moneyslapper’ na bahagi ng QCinema International Film Festival. Lahad ni Jasmine, “Magpakatotoo ka talaga pagdating sa pagtatrabaho mo kasi I think sa tagal niya rin sa industriya he really knows what he […]
-
Lopez, 25 iba pa babanat sa Asian taekwondofest
PANGUNGUNAHAN nina 2016 Rio de Janeiro Olympian Kirstie Elaine Alora at 2018 Indonesia Asian Games bronze medalist Pauline Louise Lopez ang 26 na manlalaro ng Philippine Taekwondo Association Team na aalis ng bansa sa Huwebes upang sumali sa 24th Asian Taekwondo Championships sa Hunyo 14-17 sa Beirut, Lebanon. Nabatid kay national coach Dindo […]