Top 10 priority list ng PDEA Pro MIMAROPA, nabitag sa Caloocan
- Published on June 17, 2023
- by @peoplesbalita
ISANG lalaki na kabilang sa top 10 priority list ng PDEA Pro MIMAROPA at listed bilang High Value Individual (HVI) ng Oriental Mindoro Provincial Police Office ang nasakote ng pulisya sa Caloocan City, kamakalawa ng hapon.
Kinilala ni Caloocan police chief P/Col. Ruben Lacuesta ang naarestong akusado bilang si John Paul Villafuerte alyas “Daga”, 40, vendor ng No. 19 Malaria Road, Brgy. 185.
Sa kanyang ulat kay Northern Police District (NPD) Director P/BGen Ponce Rogelio Peñones Jr, sinabi ni Col. Lacuesta na kasama ang mga tauhan ng PNP DEG SOU 4B sa pangunguna ni PCPT Camilo Fajardo Jr, nagsagawa ang Caloocan police sa pangunguna ni PMAJ Segundino Bulan Jr at PMAJ Geraldson Rivera ng joint manhunt operation kontra wanted persons.
Ani Major Rivera, sinilbihan nila ng warrant of arrest na inisyu ng Regional Trial Court (RTC) Fourth Judicial Region Branch 40, Calapan City, Mindoro Oriental noong January 25, 2023, para sa kasong Section 5 Art II of RA 9165 ang akusado sa loob ng Custodial Facility ng Tala Police sub-Station (SS14) dakong alas-2:50 ng hapon.
Nauna rito, naaresto ng mga tauhan ng SS14 si Villafuerte dahil sa paglabag sa PD 1602 (Cara y Cruz) sa lungsod hanggang sa mapag-alaman ng pulisya na wanted ang suspek sa Oriental Mindoro dahil sa pagkakasangkot sa pagbebenta ng illegal na droga.
Pinuri naman ni P/MGen Edgar Alan Okubo, RD, NCRPO ang mga operating team sa kanilang walang tigil na manhunt operation alinsunod sa pinaigting na kampanya laban sa mga wanted person na hinahanap ng batas. (Richard Mesa)
-
Movie nina Janine at JC, mukhang sa Abril na mapapanood sa mga sinehan; ‘Summer Metro Manila Film Festival’, nakabitin na naman
DAHIL postponed na naman ang opening ng mga sinehan ay hindi muna itinuloy ang naka–iskedyul sanang press preview ng Dito at Doon, ang project ng TBA Productions na bida sina Janine Gutierrez at JC Santos. May playdate na dapat ang movie pero dahil tumataas na naman ang bilang ng mga Covid-19 cases sa […]
-
Nagbabalik na ang ‘Iconic Pair’ ng PH Cinema: Patikim ng bagong TVC nina JOHN LLOYD at BEA, inilabas na
NASA Instagram na ng Jollibee ang bagong TVC ng mga new Kapuso actors na sina John Lloyd Cruz at Bea Alonzo. Ito ang shoot nila two weeks ago na akala ng mga netizens na nakakita ay nagsu-shoot na sila ng movie nila sa Star Cinema. Tiyak na ikatutuwa ng mga viewers […]
-
Quarantine facilities kailangang mag- provide ng isolation rooms
BINIGYAN ng mandato ng Inter-Agency Task Force (IATF) ang COVID-19 quarantine facilities sa bansa na mag- provide ng isolation rooms. Sinabi ni Acting presidential spokesperson t Cabinet Secretary Karlo Nograles na ang nasabing hakbang ay nakasaad sa ilalim ng IATF Resolution 157. “The recommendation of the DOT [Department of Tourism] for […]