Top 4 PDID, tiklo sa P34K shabu sa Valenzuela
- Published on January 20, 2023
- by @peoplesbalita
BALIK-SELDA ang isang drug personality na listed bilang top 4 Priority Database on Illegal Drugs (PDID) matapos maaresto sa isinagawang buy bust operation ng pulisya sa Valenzuela City.
Kinilala ni Valenzuela police chief P/Col. Salvador Destura Jr, ang naarestong suspek bilang si Johanne Dellava alyas “Jumong”, 34 ng Brgy. Punturin.
Sa report ni Col. Destura kay NorthernPolice District (NPD) District Director PBGEN Ponce Rogelio Peñones Jr, dakong alas-11:20 ng umaga nang magsagawa ang mga operatiba ng Station Drug Enforcement Unit (SDEU) sa pangunguna ni P/Capt. Joel Madregalejo ng buy bust operation sa kahabaan ng Velilla St., Brgy. Punturin kung saan isang undercover police ang nagawang makipagtransaksyon sa suspek ng P9,000 halaga ng droga.
Matapos matanggap ang pre-arrange signal mula sa kanyang kasama na nagsilbi bilang poseur-buyer na hudyat na nakabili na siya ng droga suspek ay agad lumapit ang back-up na operatiba saka inaresto si Dellava.
Ani PSSg Ana Liza Antonio, nakumpiska sa suspek ang humigi’t kumulang 5 grams ng hinihinalang shabu na may standard drug price P34,000, buy bust money na isang tunay na P500 bill, kasama ang isang P500 at 8 pirasong P1,000 boodle money at cellphone.
Ayon kay P/Capt. Madregalejo, mahaharap ang suspek sa kasong paglabag sa RA 9165 o ang Comprehensive Dangerous Druga Act of 2002 na dati na rin nakulong ang suspek dahil din sa ilegal na droga. (Richard Mesa)
-
Cray nag-bronze medal sa Florida track and field
DUMALE si Eric Shauwn Cray ng bronze medal sa kakaarangkadang NACAC New Life Invitational tourney sa Ansin Sports Complex, Miramar, Florida. Pumoste ang 2020 Tokyo Olympics hopeful ng 49.68 seconds sa sa men’s 400 meter hurdles event. Pero bitin pa rin ang oras para sa Olympics standard time na 48.90 seconds. […]
-
Pangamba ng MMFF producers sa ‘1st day, last day’ showing, pinawi
Walang dapat ipangamba ang mga producer ng 10 entries ng Metro Manila Film Festival (MMFF) ngayong taon. Ito’y kaugnay sa tila nangyayaring pullout o pag-alis sa mga sinehan sa mga nakalipas na taon, kapag hindi pumapatok sa takilya ang isang MMFF entry. Ayon kay Dondon Monteverde, ang pinuno ng online streaming na siyang […]
-
Speaker Romualdez, muling kakandidato sa pagka-Kongresista ng unang distrito ng Leyte
NAGHAIN ng kanyang Certificate of Candidacy (COC) para sa isa pang termino bilang representate ng unang distrito ng Leyte si Speaker Ferdinand Martin Romualdez. Inihain niya ang COC sa harap ni Atty. Maria Goretti Canas, Acting Provincial Election Supervisor ng probinsiya ng Leyte. Sa kanyang paghahain COC sa Tacloban City’s Commission […]