Train law package 4, aprubado sa Komite

INAPRUBAHAN  ng House Committee on Ways and Means ang panukalang Package 4 of Republic Act 10963, o “Tax Reform for Acceleration and Inclusion (TRAIN) Law.”

Dating tinawag na “Passive Income and Financial Intermediary Taxation Act (PIFITA),” aamyendahan ng Package 4 ang ilang seksyon ng RA 8424 o National Internal Revenue Code (NIRC) of 1997, na magbabawas sa documentary stamp tax (DST) na ipinapataw sa lotto tickets mula P0.20 sa P0.10.

Ayon sa chairman nitong si Albay Rep. Joey Sarte Salceda, awtor ng House Bill 375, sa kabila na magkakaroon ng revenue losses sa gobyerno dala nito aymakakatulong naman na hidi maapektuhan ang kita ng Philippine Charity Sweepstakes Office (PCSO) bunsod na rin sa pagtaas ng presyo ng tiket sa hinaharap.

Kabilang ang HB 375 sa HBs 2111 at 3244 sa pinagsama-samang substitute bill para sa panukalang Package 4 ng TRAIN Law.

Nagkasundo rin ang komite na isama sa panukala ang proposal ng Department of Finance (DOF) at Department of Trade and Industry (DTI) na alisin ang excise tax exemption sa pick-up trucks na isinulong sa ilalim ng TRAIN.

Nakasaad ito sa liham na ipinadala ni Finance Secretary Benjamin Diokno, kung saan nakasaad din na magreresulta ito ng tinatayang dagdag kita na P52.6 billion mula 2022 hanggang 2026.

Gayundin, inaprubahan din ng komite ang unnumbered substitute bill sa HBs 373, 2014, 2246, at 3888 o panukalang “Philippine Mining Fiscal Regime Act.”