Trapik sa Kalakhang Maynila, pinuna ni PDU30
- Published on April 12, 2022
- by @peoplesbalita
PINUNA ni Pangulong Rodrigo Roa Duterte ang kakulangan sa hakbang at iba’t ibang solusyon na ipinatupad ng mga otoridad para mabawasan ang bigat ng trapik sa Metro Manila.
Sinabi ng Chief Executive na sa Las Pinas, kulang pa rin ang mga nagawa ng hakbang sa kabila ng iba’t ibang paraan ng ginawa para mapagaan ang trapik sa Kalakhang Maynila.
Nandiyan na aniya ang mga naitayong elevated highways subalit wala aniya siyang makitang epekto upang makaramdam ng pagbabago sa lagay ng trapiko sa Kamaynilaan
Hindi aniya sapat ang mga ito upang makalikha ng matinding impact para sa pamumuhay ng mga taga – NCR at kahit sa buong bansa.
Una dito’y sinabihan na kamakailan ni Pangulong Rodrigo Duterte ang MMDA na kung maaari ay paspasan nito ang ginagawang pag- aaral para mabawasan ang trapik sa National Capital Region.
Kinabibilangan ito ng mismong proposal ng MMDA na magkaroon ng Elevated Walkway para sa mga tao at Bicycle Lane para makabawas sa magdadala ng sasakyan at ang mungkahing odd- even scheme.
“Alam mo dito sa Maynila, traffic alone, even with the advent of this elevated highways, it’s not enough really to make a great impact on the lives of the people of Manila and of the Philippines kaya kulang pa rin,” ayon sa Pangulo.
Sa kabilang dako, ang hirit naman ni Pangulong Duterte sa MMDA ay bilisan ang ginagawang pag- aaral para mabawasan pa ang trapik sa National Capital Region.
Sabi ng Pangulo kay MMDA Chairman Romando Artes, agad sanang maisagawa ang pag- aaral at mula doon ay marepaso na ng mga eksperto ang mga pinaplanong hakbang.
Tinutumbok aniya niya dito sabi ng Pangulo ang mga competent authorities na konektado at may sapat na kaalaman para makamit ang target na mahanapan na ng solusyon ang trapik sa NCR at Greater Manila Area.
Base sa inilatag na proposal ng MMDA kay Pangulong Duterte, nais nilang magkaroon ng Elevated Walkway para sa mga tao at Bicycle Lane upang mahikayat ang mga ito na
maglakad o magbisikleta na lamang papunta sa trabaho at makabawas sa magdadala ng sasakyan. (Daris Jose)
-
2 years after: Ekonomiya ng PH, masigla na uli – DTI Sec. Lopez
BUMALIK na uli ang sigla ng ekonomiya ng Pilipinas makalipas ang dalawang taon na nasa ilalim ng COVID-19 (Coronavirus Disease 2019) pandemic ang bansa. Ayon kay Department of Trade and Industry Sec. Ramon Lopez, dahil sa pagluwag sa alert level status sa mga nakalipas na buwan ay nakakabalik na sa “pre-pandemic volume” ang […]
-
PUBLIC SCHOOL STUDENTS, NABIYAYAAN NG CASH ASSISTANCE
NABIYAYAAN ng cash assistance ang may 935 public school students ng lokal na pamahalaan lungsod nitong Martes. Ito na ang ikalawang batch na cash assistance sa ilalim ng Educational Assistance Program (EAP) at naipamahagi sa koordinasyon ng Manila Department of Social Welfare (MDSW) sa San Andres Complex, Manila. Ayon sa Manila […]
-
Nagbigay ng Certificate of Commendation si Sec. Ernesto V. Perez
PERSONAL na ipinagkaloob ni Sec. Ernesto V. Perez, Director General ng Anti-Red Tape Authority (ARTA) kay Mayor John Rey Tiangco ang certificate of commendation na igiwad ng ARTA sa Pamahalaang Lungsod ng Navotas sa pagiging isa sa mga huwarang Local Government Units (LGUs) para sa matagumpay na pagpapatupad ng electronic Business One-Stop Shop (eBOSS) ng Business Permits and […]