Tricycle driver isinelda sa P170K shabu sa Valenzuela
- Published on March 11, 2023
- by @peoplesbalita
SHOOT sa selda ang 45-anyos na tricycle driver na sideline umano ang magbenta ng illegal na droga matapos makuhanan ng mahigit P.1 milyon halaga ng umano’y shabu sa isinagawang buy bust operation ng pulisya sa Valenzuela City, kahapon ng madaling araw.
Kinilala ni Valenzuela police chief P/Col. Salvador Destura Jr, ang naarestong suspek na si Allan Santos, 45 ng Santos Compd. Bukid, Brgy. Malinta.
Sa kanyang report kay Northern Police District (NPD) Director PBGEN Ponce Rogelio Peñones Jr, sinabi ni Col. Destura na dakong alas-3:00 ng madaling nang magsagawa ang mga operatiba ng Station Drug Enforcement Unit (SDEU) sa pangunguna ni PCPT Joel Madregalejo ng buy bust operation sa M H Del Pilar, Brgy. Malanday matapos ang natanggap na impormasyon na nagbebenta umano ng shabu ang suspek.
Kaagad pinosasan ng mga operatiba ang suspek matapos bintahan ng P8,500 halaga ng umano’y shabu ang isang pulis na nagsilbing poseur buyer.
Ani PSSg Ana Liza Antonio, nakumpiska sa suspek ang himigi’t kumulang 25 grams ng hinihinalang shabu na may standard drug price P170,000, buy bust money na isang tunay na P500 bill, kasama ang dalawang P1,000 at 12-pirasong P500 boodle money, P200 recovered money, cellphone at isang motorsiklo.
Pinapurihan naman ni BGen Peñones ang Valenzuela CPS sa kanilang masigasig na kampanya kontra illegal drugs na nagresulta sa pagkakaaresto sa suspek na nahaharap sa kasong paglabag sa RA 9165 o ang Comprehensive Dangerous Drug Act of 2002. (Richard Mesa)
-
Ruffa at KC, nag-abot sa pagdadala ng relief goods sa mga nasalanta
PATULOY ang pagtulong ng ating mga artista at celebrities sa pagdu-donate ng relief goods sa mga lugar sa bansa na nasalanta ng tatlong bagyong dumaan. Hardly hit ang mga Cagayanons sa Northern Luzon particularly ang Isabela, Cagayan at Tuguegarao. Nag-post si Ruffa Gutierrez sa kanyang Instagram ng kanilang relief operations, kasama ang mga […]
-
GINEBRA BABALIKWAS SA GAME 2 – TENORIO
SOBRA ang pagkadismaya ni Earl Timothy ‘Tim’ Cone sa Barangay Ginebra San Miguel na tinambakan ng Meralco 104-91 sa Game 1 ng 46th Philippine Basketball Association 2021-222 Governors Cup best-of-seven Finals nitong Miyerkoles ng gabi sa Araneta Coliseum. Hindi na nakapalag ang Gin Kings sa Bolts nang matambakan ng 21 puntos sa laro […]
-
Simplehan ang pagbibigay ng ayuda sa mga nangangailangan
IPINAG-UTOS ni Pangulong Rodrigo Roa Duterte sa mga ahensiya at local government units (LGUs) na simplehan lamang ang pamamahagi ng tulong sa mga nangangailangan. Sinabi nito na inabisuhan na niya ang mga ahensiya at LGUs na iwasan na ang pagkakaantala o delay. “What I would like to happen is this: Simplify the giving […]