Tulak timbog sa P170-K shabu
- Published on September 30, 2020
- by @peoplesbalita
ISANG hinihinalang tulak ng ilegal na droga ang arestado habang dalawang menor de edad ang narescue sa buy-bust operation ng pulisya sa Navotas city.
Kinilala ni Navotas police chief Col. Rolando Balasabas ang naarestong suspek na si Rowel Magbanua alyas Toto, 38, ng V Cruz St. Brgy. Tangos.
Ayon kay Col. Balasabas, ala- 1:55 ng madaling araw nang isagawa ng mga operatiba ng Station Drug Enforcement Unit (SDEU) sa pangunguna ni PLT Genere Sanchez ang buy bust operation kontra kay Magbanua sa Ignacio St. Brgy. BBN kung saan isang undercover police na nagpanggap na poseur buyer ang nagawang makabili sa suspek ng P500 halaga ng shabu.
Nang tanggapin ng suspek ang marked money mula sa poseur buyer kapalit ng shabu ay agad siyang dinamba ng mga operatiba habang narescue naman ng mga pulis ang dalawang menor de edad na tinurn-over sa Bahay Pag-asa.
Nasamsam sa suspek ang aabot sa 25 gramo ng shabu na tinatayang nasa P170,000.00 ang halaga ng shabu, P500 cash at buy bust money.
Samantala, nasakote naman ng mga operatiba ng SDEU ng Valenzuela Police si Vincent Lindayug matapos bentahan ng shabu ang pulis na nagpanggap na poseur-buyer sa Phase 1 Siudad Grande Lingunan, Valenzuela City alas-2-45 ng hapon.
Narekober sa suspek ang buy- bust money, dalawang plastic sa- chets ng hinihinalang shabu, cellphone bag at motorcycle Honda. (Richard Mesa)
-
Dahil sold out na ang ‘Videoke Hits: OPM Edition’… Birthday concert ni ICE, nagdagdag pa ng isang show sa November 8
ISANG linggo bago matunghayan ang inaabangang birthday concert ni Ice Seguerra, Videoke Hits: OPM Edition, sa Setyembre 13, pero sold out na agad ang tickets! Para sa mga hindi nakabili ng ticket, may chance pa para makisaya dahil nagdagdag pa ng isang show sa Nobyembre 8, 2024, sa Music Museum. Sa […]
-
Filipinas bumaba ang FIFA ranking
BUMABA ang rankings ng Philippine women’s national football team. Sa pinakahuling edisyon ng FIFA Women’s World Rankings ay nasa pang 41 na sila ngayon. Noong nakaraang rankings ay nasa pang-39 ang world rankings ng FILIPINAS. Isa sa mga naging malaking sanhi ng nasabing pagbaba nila ng rankings ay ang magkahalong […]
-
“Structurally complete” na ang northbound section ng Skyway Extension
Ang northbound section ng Skyway Extension ay “structurally complete” na at ang kulang na lamang ay ang paglalagay ng aspalto na gagawin sa katapusan ng buwan. Ito ang sinabi ni SMC president Ramon Ang sa isang pahayag na inilabas ng San Miguel Corp. “I’m happy to announce that soon, we can […]