• November 13, 2024
  • Search in People's Balita

  • Ang Diyaryong Pinagkakatiwalaan

 

Ultimatum sa 7 OVP officials: Dumalo o aresto

DUMALO o aresto! Ito ang ipinalabas na ultimatum ng House Committee on Good Government and Public Accountability laban sa mga opisyal ng Office of the Vice President (OVP) na inisyuhan ng subpoena para du­malo sa nakatakdang pagdinig ng komite ngayong Lunes, ­Nobyembre 11.
Ang House Blue Ribbon ay nag-iimbestiga sa umano’y maling paggamit ng P612.5 milyong confidential funds ng OVP at Department of Education (DepEd) sa ilalim ng pamumuno ni Vice President Sara Duterte.
“The committee has summoned these officials multiple times, yet they continue to disregard our lawful requests to appear,” giit ni Manila Rep. Joel Chua, chairman ng panel.
Noong Nobyembre 4, sa bisperas ng pagdinig ng komite, ay umalis sa bansa ang chief of staff ng OVP na si Undersecretary Zuleika Lopez. Naglabas ang komite ng subpoena laban kay Lopez, at anim pang opisyal ng OVP na mayroong alam kung papaano ginastos ni VP Duterte ang confidential funds pero hindi dumadalo sa pagdinig ng Kamara.
Una na ring hiniling ng komite sa Department of Justice na ilagay si Lopez at ang iba pang opisyal ng OVP sa immigration lookout bulletin dahil sa posibleng pag-iwas nila na humarap sa imbestigasyon.
Bukod kay Lopez, kabilang din sa inisyuhan ng subpoena sina Lemuel Ortonio, Rosalynne Sanchez, Gina Acosta, Julieta Villadelrey, at ang mag-asawang Sunshine Charry Fajarda at Edward Fajarda, kapwa ­dating kawani ng DepEd na lumipat na sa OVP matapos magbitiw si Duterte sa nasabing departamento. Sa mga ito tanging sina Sanchez at Villadelrey pa lamang ang nagkumpirma na dadalo.
Nais ng komite na maipaliwanag ng mga opisyal ng OVP ang paggamit ng P500-M confidential funds ng OVP at P125-M ng DepEd. (Daris Jose)
Other News

  • Volunteers, education grads, maaaring tumulong sa self-learning ng mga mag-aaral – DepEd

    Kinokonsidera ng Department of Education ang paghingi ng tulong sa mga volunteer at education graduates upang suportahan ang paghahatid ng quality education sa gitna ng coronavirus pandemic.   Ayon kay Education Undersecretary Diosdado San Antonio, bagamat naniniwala silang malaki ang papel na gagampanan ng mga magulan sa edukasyon ng kanilang mga anak sa ilalim ng […]

    read more

  • BOY, binigyang-linaw sa kanyang YouTube channel ang kumalat na ‘fake news’ na pumanaw na

    SA pamamagitan ng kanyang YouTube channel, binigyang-linaw ni Boy Abunda na obviously, hoax o fake news ang kumalat na siya ay pumanaw na.     Nagulat daw ito nang ang daming nagtatawagan sa kanya. Maging ang longtime partner na si Bong Quintana, kahit nasa iisang bahay sila. Nasa itaas ito at nasa ibaba naman si […]

    read more

  • Panawagan ni Alvarez, pangungutya sa intergidad, propesyonalismo ng AFP, PNP -Año

    MALINAW na pangungutya sa integridad at propesyonalismo ang naging panawagan ni Davao del Norte Rep. Pantaleon Alvarez sa Armed Forces of the Philippines (AFP) at Philippine National Police (PNP) na bawiin ng mga ito ang kanilang suporta mula kay Pangulong Ferdinand R. Marcos Jr.     “Both institutions are loyal to the Constitution, the rule […]

    read more
People's Balita.
All rights reserved. © Copyright 2024.