US, nangako ng mahigit na ₱430M funding para sa PH maritime law enforcement agencies
- Published on November 24, 2022
- by @peoplesbalita
INANUNSYO ng Estados Unidos na tutulong ito para palakasin ang kakayahan ng Philippine maritime law enforcement agencies sa pamamagitan ng pagbibigay ng $7.5 million, o mahigit ₱430 milyong halaga ng karagdagang tulong.
Inihayag ito ng White House sa kahalintulad na araw ng pagbisita ni US Vice President Kamala Harris sa Palawan, ang lalawigan na malapit sa “hotly contested Spratly Islands.”
“The funding will strengthen the agencies’ capabilities to counter illegal fishing, improve maritime domain awareness, and provide search and rescue support, including in the disputed South China Sea,” ayon sa Estados Unidos.
Sinabi pa ng Estados Unidos na ang kanilang Trade and Development Agency, “pending Congressional notification,” ay makatutulong sa Philippine Coast Guard (PCG) sa pag-upgrade at pagpapalawig ng vessel traffic management system nito para sa pinahusay na maritime safety at environmental monitoring.
Tinawag naman ng White House ang pagbisita ni Harris sa Palawan na “historic,” si Harris kasi ang pinakamataas na ranking US official na bumisita sa lalawigan, kilala bilang “last ecological frontier” ng Pilipinas.
Makakadaupang palad naman nito ang mga miyembro ng PCG at talakayin ang umiiral at future partnerships na may kinalaman sa ahensiya.
Samantala, sinabi naman ng Washington na maglulunsad ang United States Agency for International Development ng bagong inisyatiba kabilang na ang “grant to a local organization” para suportahan ang traditional livelihoods at mapanatili ang fishing practices sa bansa.
Layon din nito na palakasin ang food security at isulong ang pangangalaga sa marine ecosystems sa South China Sea na sinasabing vulnerable sa ‘development at climate change.’
Maliban sa pakikipagpulong sa PCG, si Harris ay nakatakdang bumisita sa village ng Tagburos kung saan nanggaling ang kalahati ng fish supply ng Puerto Princesa.
Nakatakda naman niton makapulong ang mga local leaders at mga residente para pag-usapan ang epekto ng “illegal, unregulated, and unreported fishing.” (Daris Jose)
-
Malakanyang, pinayuhan ang mga employer na magtalaga ng health safety officer sa kanilang work place
UMAPELA ang Malakanyang sa mga nagmamay-ari ng kumpanya na gumawa ng kaukulang hakbang para masiguro na nagagawa ang pag- iingat sa kanilang work place. Ang apela ng Malakanyang ay ginawa sa harap ng nagpapatuloy na pagsirit ng mga nadaragdag na kaso ng COVID 19. Sinabi ni Acting Presidential Spokesperson at Cabinet […]
-
Ex-Top 3 cop ng PNP na si PLTGEN Santos Jr. na dawit umano sa 990KG drug haul, iginiit na inosente siya sa naturang mga alegasyon
IGINIIT ni dating PNP Deputy Chief for Operation na si PLGEN Benjamin Santos Jr. na siya ay inosente at walang kinalaman sa mga alegasyong ibinabato laban sa kaniya na may kaugnayan sa ilegal na droga. Ito ay matapos na makaladkad ang kaniyang pangalan sa kaso ng 990 kilo ng shabu na nasabat mula […]
-
Human rights violations sa Pinas, bumaba sa kalahati noong nakaraang taon -PBBM
BUMABA sa kalahati ang insidente ng paglabag sa karapatang-pantao sa Pilipinas noong nakaraang taon, kumpara sa taong 2022. Hindi naman nagbigay pa ng detalye si Pangulong Ferdinand Marcos Jr., sa ukol sa bagay na ito sa kanyang naging talumpati sa isinagawang oath-taking ceremony ng star-rank officials ng Philippine National Police sa Palasyo ng […]