• June 20, 2024
  • Ang Diyaryong Pinagkakatiwalaan

Usad-pagong na pagbangon ng ekonomiya, nagtulak kay PDu30 para sang-ayunan ang hakbang ng IATF

ANG usad-pagong na economic recovery ng bansa ang dahilan para sang- ayunan ni Pangulong Rodrigo Roa Duterte ang pasya ng Inter-Agency Task Force (IATF) sa pagbubukas ng iba pang mga negosyo simula ngayong araw na ito.

 

Sinabi ni Presidential Spokesperson Harry Roque, naiintindihan ni Pangulong Duterte ang sitwasyon at pinag- isipan ng Punong Ehekutibo kung paano makakabangon ang dumapang ekonomiya ng bansa dahil sa pandemya.

 

Lumalabas pa nga ani Roque na tayo ang isa sa pinakamabagal na makakabangon sa buong mundo na dahil na rin sa napakahabang ipinatupad na lockdown.

 

“Well, naintindihan naman niya dahil talagang pinag-iisipan na rin ng Presidente kung paano talaga tayo makakabangon dahil lumalabas na sa buong mundo isa tayo sa pinakamabagal na makakabangon kasi nga parang napakahaba at napakatagal na noong ating lockdown na ipinatutupad,” ayon kay Sec. Roque.

 

Kung tutuusin sabi ni Roque ay napapanahon nang maibaba na rin sa MGCQ ang status ng health protocol gayung nakabuo na ng disiplina ang mga Pilipino at batid na rin ng mga ito kung paano nila makakahanapbuhay ng ligtas.

 

Sa ilalim ng MGCQ ay nasa 75 porsiyento ng komersiyo ang pinapahintulutan ng makapag- bukas habang 50 percent naman ng negosyo ang pwedeng makapag- operate sa ilalim ng GCQ.

 

“Alam mo kasi kapag GCQ eh talagang halos 50% lang ang bukas ng ating mga industriya.

 

Ang MGCQ ay 75% at napapanahon na talaga dahil ang tingin ko naman naka-develop na ng disiplina ang mga Pilipino at alam nila na para magkahanapbuhay ang sagot po talaga ay iyong panawagan ni Presidente – ‘Mask, Hugas, Iwas. Ingat buhay para tayo ay makapaghanapbuhay.’ ang pahayag ni Sec. Roque. (Daris Jose)

Other News
  • EO sa regulasyon ng presyo ng mga gamot vs nakamamatay na sakit, pirmado na ni Duterte

    Nilagdaan na ni Pangulong Rodrigo Duterte ang Executive Order (EO) No. 155 na nagtatatag ng regulasyon sa presyo ng mga gamot sa bansa.     Sinabi ni acting Presidential spokesman at Cabinet Secretary Karlo Alexei Nograles, layunin ng nasabing EO na tugunan ang mga pangunahing sanhi ng kamatayan sa bansa dulot ng mga sakit.   […]

  • Latest vlog ni BEA, pinuri at pinusuan ng netizens dahil kay JESSICA; bagay na bigyan ng talk show o morning show

    PINUSUAN ng netizens ang latest vlog ni Bea Alonzo na kung saan pinaunlakan siya ni Ms. Jessica Soho na mag-guest sa kanyang YouTube channel.     May titutlo ito na: JAMMING WITH MS. JESSICA SOHO (QUICK AND EASY MANGO JAM RECIPE).     Na may caption na, “Back with our weekly Saturday vlog! For this […]

  • 6 drug suspects nadamba sa buy bust sa Valenzuela

    REHAS na bakal ang kinasadlakan ng anim na hinihinalang sangkot sa ilegal na droga matapos matimbog sa magkahiwalay na buy bust operation ng pulisya sa Valenzuela city, kahapon ng madaling araw.     Sa imbestigasyon ni PCpl Christopher Quiao, dakong 3:20 ng madaling araw nang magsagawa ang mga operatiba ng Station Drug Enforcement Unit (SDEU) […]