Utang ng Pilipinas nanatili sa P13.64 trilyon
- Published on January 5, 2023
- by @peoplesbalita
HALOS hindi gumalaw ang “outstanding debt” ng gobyerno ng Pilipinas nitong Nobyembre 2022 sa P13.64 trilyon kasabay ng pagtaas ng halaga ng piso.
Ito ang ibinahagi ng Bureau of Treasury, Martes, ilang buwan matapos ipayo ni dating Pangulong Rodrigo Duterte kay Pangulong Ferdinand Marcos na iwasan ang “hindi kinakailangang gastusin” at magpatupad ng mga bagong buwis.
“For the month, NG’s total debt portfolio marginally increased by P3.15 billion or 0.02% from the end-ctober 2022 level primarily due to the effect of local currency appreciation against the US dollar on foreign currency loans,” wika ng Treasury sa isang pahayag kanina.
“However, NG debt has increased by P1.92 trillion or 16.33% since end-December 2021.”
utang panloob – P9.43 trilyon
utang panlabas – P4.22 trilyon
Ang domestic debt noong Nobyembre ay umakyat ng 0.78% o P72.73 bilyon kumpara sa pagkakautang isang buwan bago ito. Ito ang bumubuo sa 69.1% kabuuang utang ng bansa ngayon.
Nadagdagdan ito ng P75.76 bilyon dahil sa net issuance ng government securities ngunit nabawasan ng P3.03 bilyon dahil sa pagtaas ng halaga ng piso kontra dolyar.
Pumalo naman na sa P4.22 trilyon ang halaga ng external debt, na siyang mas mababa ng 1.62% o P72.73 bilyon kumpara sa end-October 2022 level.
“NG’s external debt amounted to P4.22 trillion, P69.58 billion or 1.62% lower than the end-October 2022 level due to the P106.98 billion impact of local currency appreciation and P13.38 billion net repayment,” dagdag pa ng Treasury.
“This was tempered by the net impact of third-currency fluctuations against the US dollar amounting to P50.78 billion.”
Kumakatawan ang utang panlabas sa 30.9% ng kabuuang debt portfolio ng bansa.
Kamakailan lang nang sabihin ni Finance Secretary Benjamin Diokno na hindi dapat mabahala sa mataas na debt level ng Pilipinas lalo na’t hindi pa nakikita ang recession lalo na’t may positibong mga sinyales na nagtuturo sa “strong recovery.”
Matatandaang malaki ang inutang ng nakaraang administrasyong Duterte kasabay ng COVID-19 pandemic, bagay na naiwan sa kasalukuyang administrasyon. (Daris Jose)
-
DA: Mag-ingat sa mga frozen meat sa wet market
PINAG-IINGAT ng Department of Agriculture (DA) ang publiko laban sa mga ibinebentang mga frozen meat sa mga wet market na posible umanong kontaminado ng mga bacteria. Payo ng Kagawaran sa mga mamimili, tignan ang tatak ng National Meat Inspection Service (NMIS) upang matiyak ang kaligtasan sa pagkain. Kasabay nito, binalaan din […]
-
Durant, Irving, Harden nagsama ng puwersa sa panalo sa playoffs debut
Mistulang nangapa muna sa first half ang Big Three ng Brooklyn Nets bagong tuluyang itumba sa second half ang Boston Celtics sa first round ng playoffs, 104-93. Ito ang siyam na beses pa lamang na nagsama sama sa iisang game sa Nets sina Kevin Durant, James Harden at Kyrie Irving. Nagtapos si […]
-
MAINE, kaabang-abang ang gagawing mga tasks o goals mula sa kanyang checklist na tampok sa ‘BuKo Originals’
SA pagsasanib-puwersa ng Cignal TV Inc. at APT Entertainment Inc. isang bagong comedy channel ang malapit nang matunghayan ng mga manonood para maghatid ng 24/7 na feel-good entertainment at walang katapusang saya. Simula ngayong ika-2 ng Agosto, magbubukas na ang BuKo (Buhay Komedya), ang kauna-unahan at nag-iisang 24/7 local comedy channel na handog […]