• February 27, 2024
  • Ang Diyaryong Pinagkakatiwalaan

Valenzuela City magbibigay ng P 6-milyong tulong sa Rolly victims

Magkakaloob ang Valenzuela City ng P 6-milyong financial assistance sa mga biktima ng Super Typhoon Rolly  sa ilang lungsod at munisipalidad sa mga probinsya ng Albay, Camarines Sur at Catanduanes sa pagtatapos ng lingo.

 

Nakasaaad sa Council Resolution No. 1871, Series of 2020, na awtorisado si Mayor Rex Gatchalian  na maglabas ng podo mula sa the General Fund para sa: Albay –P 2,200,000 cash;  Camarines Sur –P 2,500,000 cash; at Catanduanes –P 1,300,000 cash.

 

Ang Albay, Camarines Sur at Catanduanes ay sinalanta ng signal NO. 5 na Super Typhoon Rolly noong Nobyembre 1 at umabot sa 14 ang namatay sa Albay at anim mula sa Catanduanes kaya’t isinailalim ang mga ito sa “State of Calamity”.

 

Higit sa  isang milyong tao ang naapektuhan ng bagyo sa mga nasabing probinsya kung saan malaking bahagi pa rin ang nananatiling walang kuryente at tubig at maraming pamilya pa rin ang namamalagi sa evacuation centers habang sinusubukang kumpunihin ang kanilang mga napinsalang bahay.

 

“Although we have spent so much fund in the response to COVID-19 that almost depleted our resources, we are still fortunate enough to have some amounts to spare to assist our brothers and sisters who suffered ill luck from the recent super typhoon while the battle against this pandemic is still on going,” ani  Gatchalian.

 

Noong Enero ay nagkaloob ang Valenzuela ng P12-milyong financial assistance sa Taal Volcano eruption victims sa Batangas, at nagbigay din ng P 22-milyong tulong sa probinsya ng Cotabato at Davao del Sur matapos ang magnitude 6.5 na lindol noong Oktubre 2019. (Richard Mesa)

Other News
  • CLEARING OPERATION SA PORT AREA, NAGING MAAYOS

    NAGSAGAWA ng clearing operation ang mga tauhan ng Department of Public Safety, Manila Traffic and Parking Bureau (MTPB) at Manila Police District (MPD), ang mga iligal na tindahan sa kahabaan ng Roberto Oca St. Kahapon ng umaga sa Port Area, Maynila.   Dakong 10:30 ng umaga nang dumating ang grupo sa lugar para tanggalin ang […]

  • “Walang Gutom 2027” ng DSWD, 1M mahihirap na pamilya ang makikinabang-DSWD

    TINATAYANG 1 milyong benepisaryo ang inaasahan na makikinabang mula sa  “Walang Gutom 2027” program ng Department of Social Welfare and Development (DSWD).     Layon ng inisyatibang ito ang paghusayin ang access ng  food-poor families sa masustansyang pagkain.     Sinabi ni Social Welfare Secretary Rex Gatchalian na ang bagong food stamp program ng departamento […]

  • Pagsusuri sa education curriculum, suportado ni PBBM

    SUPORTADO ni Pangulong Ferdinand “Bongbong” Marcos Jr.  ang panukalang suriing mabuti ang education curriculum ng bansa upang ihanda ang mga estudyante na may  skills o kasanayan na kinakailangan ng iba’t ibang industriya at tugunan ang umiiral na  job mismatch.     Sinabi ni Press Secretary Trixie Cruz-Angeles na napag-usapan sa lingguhang Cabinet meeting, araw ng […]