Valenzuela LGU pinasinayaan ang bagong boardwalk, inilunsad ang unang walkathon
- Published on September 23, 2024
- by @peoplesbalita
BINUKSAN na ng Pamahalaang Lungsod ng Valenzuela ang “The Valenzuela Boardwalk”; isang 1.3 km ang haba na floodwall na may linear park at bike trail na sumasaklaw sa mga Barangay ng Coloong, Tagalag, at Wawang Pulo na layunin nito na magtaguyod ng malusog na pamumuhay para sa mga Valenzuelano
Ang Valenzuela Boardwalk, ay idinisenyo para sa mahabang pagtakbo, health walk, at cycling activities para sa Pamilyang Valenzuelano. Ang linear park ay orihinal na itinatag bilang isang flood control dike upang kontrolin ang daloy ng tubig sa pagitan ng mga nabanggit na barangay at Meycauayan, na kalaunan ay naging isang ligtas na lugar na libangan para sa mga aktibidad ng pedestrian.
Pinangunahan nina Mayor WES Gatchalian, Gng. Tiffany Gatchalian at pamilya, Vice Mayor Lorie Natividad-Borja, at ang Sangguniang Panlungsod ang pagbabasbas at pagpapasinaya ng Valenzuela Boardwalk.
Kasunod nito, inilunsad din ng lungsod ang una nitong walkathon kasama ang mga senior citizen kung saan isang masayang paglalakad na nagtatampok ng humigit-kumulang 200 Valenzulenong senior citizen na miyembro ng OSCA-Alliance of Senior Citizens.
Binagtas ng mga senior citizen ang 600 metro na bahagi ng boardwalk, upang ikampanya ang malusog na pamumuhay at galaw ng katawan sa mga matatanda. Upang matiyak ang kanilang kaligtasan, naglagay ng water station, medic, at mga rescue team na naka-standby.
Isinagawa din ang libreng go-karting activity para sa mga batang edad 4 hanggang 7 na ginanap sa kabilang kalahati ng boardwalk abutin ng ng dalawang araw kung saan nasa sampung go-karts ang sponsored ng Pedway Go Kart.
Sa kanyang mensahe, sinabi ni Mayor WES na ang boardwalk ay nagsisilbi hindi lamang bilang isang recreational space kundi bilang isa rin sa mga flood-control initiatives ng lungsod.
Ang Valenzuela Boardwalk ay bukas araw-araw mula 5:00 AM hanggang 10:00 PM. (Richard Mesa)
-
Workers tablado sa dagdag sahod ngayong Labor Day
WALANG naganap na anunsyo ng dagdag-sweldo sa mga manggagawa ngayong Mayo 1, Labor Day habang pinag-aaralan pa ang mga petisyon, ayon sa Department of Labor and Employment (DOLE). “Sa May 1, walang lalabas na adjustment [sa sahod] agad kasi dumaraan pa sa proseso,” ayon kay Labor Secretary Bienvenido Laguesma. Mayroong walong […]
-
Pagbubukas ng ilang negosyo para lang sa bakunado, plano ng DTI
Pinag-aaralan na ng Department of Trade and Industry (DTI) ang pagbubukas ng ilang mga negosyo at ibang aktibidad na hindi pinapayagan habang nakataas ang enhanced community quarantine (ECQ) at modified enhanced community quarantine (MECQ) sa lugar, subalit para lamang sa mga bakunado. Ayon kay DTI Undersecretary Ireneo Vizmonte sa isang panayam. kabilang sa […]
-
PAGRERETIRO NG 3 COMMISSIONER, HINDI APEKTADO ANG HALALAN
TINIYAK ng Commission on Elections (Comelec) nitong Huwebes na ang kanilang paghahanda para sa halalan sa Mayo ay hindi mahahadlangan ng pagreretiro ng tatlong senior officials . Ayon kay Comelec Spokesperson James Jimenez, ang nasabing preparasyon ay matagal nang ginagawa at natugunan na sa nakaraang buwan “Remember that when running the […]