AMONG sa Boys of Summer ng Sparkle, mukhang itong si Raheel Bhyria ang puwedeng natawag na playboy.

 

Nali-link kasi ang 22-year old Filipino-Pakistani sa mga young actresses na sina Andrea Brillantes, Francine Diaz, at Jillian Ward.

 

Pero nilinaw ni Raheel na hindi raw niya niligawan sina Andrea at Francine. Mga kaibigan lang daw niya ang mga ito.

 

Si Jillian naman, na co-star niya sa ‘Abot-Kamay Na Pangarap’, ay close naman sa kanya.

 

“Sobrang close po namin. In the future, gusto ko po sanang… I want to be closer with her, so kung ligawan ‘yung way to get closer with her, then…“ sabay ngiti pa ng Sparkle hunk.

 

Noong nakaraang Valentine’s Day ay binigyan pala ni Raheel si Jillian ng bouquet of pink tulips at chocolate bars.

 

Noong 19th birthday naman ng teen star, hinintay ni Raheel na hatinggabi bago siya nagtungo sa bahay nito para magdala ng regalo, kasama ang isang puting pusa.

 

 

***

 

INAMIN ni Lexi Gonzales na normal na magkapikunan silang mga runners sa ‘Running Man Philippines.’

 

Very competitive daw ang mga misyon nila kaya minsan may mga napipikon

 

“Totoo naman po na hindi maiiwasan ‘yung pikunan. Ang madalas po talaga nagkakapikunan kami ni Angel Guardian, may mga moments.

 

“Pero dahil po dun sa mga natutunan namin last season, this time mas nama-manage na po namin nang maayos and that hindi na po lumalalim kung ano pa ‘yung mga naging samaan ng loob pa po namin,” sey ni Lexi.

 

Dagdag ni Lexi, mas mahirap daw this season dahil unpredictable ang mga nangyayari sa isang mission.

 

“Kasi po, hindi po talaga namin alam ‘yung challenges na gagawin namin. Kumbaga ‘yung preparations lang po na magagawa ko makapagdala po ako ng mga thermals, mga panlamig.”

 

***

 

MATUTUWA ang mga Pinoy fans ni Olivia Rodrigo dahil kasama sa kanyang GUTS World Tour ang Pilipinas.

 

Sa Instagram ng 21-year Fil-American singer, pinost nito ang dates ng kanyang shows sa Asia and Australia starting sa September.

 

Sa poster ay nakalagay ang “Stay tuned, Manila!”

 

Kasama sa kanyang pupuntan ang Bangkok, Seoul, Hong Kong, Tokyo at Singapore.

 

“Asia and Australia dates just announced!!! Hope to see ya there,” caption ni Olivia.

 

Kasalukuyang nasa Europe leg ng kanyang tour ang Grammy Award-winning singer.

 

Sumikat noong 2021 si Olivia dahil sa hit album niya na SOUR, kunsaan naging hit singles ang “Driver’s License”, “Deja Vu”, at “Traitor”.

 

Latest album niya GUTS na ang first single ay “Vampire”.

(RUEL J. MENDOZA)