Wala nang SAP sa 2021 budget – DBM
- Published on September 11, 2020
- by @peoplesbalita
Wala nang ilalaan na pondo ang gobyerno para sa pamamahagi ng ayuda sa ilalim ng panukalang pambansang pondo para sa taong 2021.
Ito ang nilinaw ni Budget Secretary Wendel Avisado sa pagsisimula sa pagtalakay ng House Committee Appropriations ni Sen. Sonny Angara sa P4.5 trillion national budget para sa susunod na taon.
Sa nasabing pagdinig, tinanong ni Minority leader Franklin Drilon kung bakit walang alokasyon para sa Social Amelioration program o SAP gayung tumaas ang bilang ng mga pamilyang Filipino na naghihirap dulot ng COVID-19 pandemic.
Paliwanag ng kalihim, para sa taong 2021 ay mayroon lamang regular na programa ang DSWD at ito ay ang pamamahagi ng 4Ps.
Sabi ni Avisado, ang P200 bilyon budget para sa SAP sa ilalim ng Bayanihan 1 na nagbenepisyo sa may 18 milyong Pinoy ngayong taon at panibagong P6 bilyon sa Bayanihan 2 ay ibinigay dahil hindi makapagtrabaho ang karamihan dulot ng lockdown.
Kaya walang probisyon ng SAP para sa susunod na taon.
Bukod dito, nag-i-invest umano ang gobyerno sa infrastructure projects na magbibigay ng “multipier effect” para magkaroon ng maraming trabaho at magpapataas sa ekonomiya ng mga Filipino na mas mabuti umano kaysa mamahagi ng ayuda.
-
PBA naghahanda na sa restart
PINAPLANTSA na ng pamunuan ng PBA ang lahat ng kakailanganin sa pagbabalik-aksyon ng PBA Season 46 Governors’ Cup sa unang linggo ng Pebrero. Wala pang eksaktong petsa na ibinigay ang PBA kung kailan ang resumption ng liga na posibleng maganap sa apat na venues na pinagpipiplian. Ito ay ang Smart Araneta […]
-
Mga guro, non-teaching personnel obligadong magparehistro sa PhilHealth– CHED
Ginagawang requirement sa ngayon para sa mga guro at non-teaching personnel na makikibahagi sa limited face-to-face classes sa mga kolehiyo at unibersidad ang pagpaparehistro sa PhilHealth, ayon sa Commission on Higher Education (CHED). Sinabi ni CHED Executive Director IV Atty. Cinderella Jaro na ang hakbang na ito ay magtitiyak na kapag tamaan man […]
-
Food stamp beneficiaries ng DSWD, obligadong mag-enroll sa job program ng DOLE at TESDA
OOBLIGAHIN na ang mga food stamp beneficiaries ng Department of Social Welfare and Development na mag-enroll sa job programs ng Department of Labor and Empoloyment at Technical Education and Skills Developnment Authority. Ito ay upang hindi masanay ang mga benepisyaryo na umasa lamang lagi sa ayuda na ipapaabot ng pamahalaan. Ayon […]