Wala siyang nakita at ‘di gagawın ‘yun ng anak: LOTLOT, natawa lang sa tsika na nakitang naghahalikan sina JANINE at JERICHO
- Published on August 10, 2024
- by @peoplesbalita
NATAWA na lang si Lotlot de Leon nang tanungin namin tungkol sa pinag-uusapan ngayon sa social media na mga “sightings” kina Janine Gutierrez at Jericho Rosales.“Hahaha! Alam mo, nakakatuwa, kasi si Echo kasi magkasama kami nung launch ng kanta ni Diego (Gutierrez) na ‘Hanggang Sa Dulo’, in a bar in Katipunan,” panimula ni Lotlot.
“I was really surprised that he came, so nakakatuwa. I was surprised, I was touched.“Kasi siyempre nakakatuwa that he was there, he was very supportive and wala lang, it was all fun, we were there as a family.
“Nagpakita siya and sumuporta, so nakakatuwa, I’m very thankful.”
Sa naturang launch ng bagong kanta ni Diego, nagsimulang kumalat ang mga fake news na may nakakita raw na naghahalikan sina Janine at Jericho.
“Oo nga, nakakaloka, hindi naman totoo yun, nandun tayong lahat, it was all fun,” maagap niyang sagot.
Lahad pa niya, “Oo, hindi ko alam, nakakatawa, hindi ko alam kung saan nila… na-shock ako, kasi nandun ako the whole time, so wala naman akong nakita na kissing or anything na ganyan, and you know Janine is…hindi e, hindi siya ganun.”
Si Janine at Echo ay magkasama sa Lavender Fields (kung saan may guest role si Lotlot) at doon nagsimula ang mga “sightings” sa dalawa, nagsimula sa taping hanggang eventually ay nakita na nga ang dalawa na lumalabas.
Sa pagkakaalam ni Lotlot, ano ang sitwasyon sa pagitan nina Janine at Jericho?
“Well, they’re both single, so nakikita ko nga na they’re always together. That’s good if they’re trying to get to know each other.
“There’s nothing wrong with that, they’re both single, they’re both adults, they’re both mature individuals, so yeah, there’s really nothing wrong with it.”
Ano kaya ang magiging rekasyon ni Lotlot kapag nagpaalam si Jericho na liligawan na niya si Janine?
“That’s not up to me, but thank you for asking permission. Di ba, nakakatuwa na parang humingi ng paalam or mag-abiso, hindi ba?
“Nakakatuwa yun, so if eventually they are really dating, then I trust Janine, I trust her decision.”
Samantala, natanong din namin si Lotlot kung ano ang naramdaman niya na noong pumasok sa showbiz si Janine ay madalas, ‘Ah, anak nina Lotlot at Monching’ o ‘Ay ang gandang babae!’ pero sa kasalukuyan, with her many acting awards, ay pinatunayan ni Janine na hindi lamang siya pretty face kundi isa ring mahusay na artista?
“I’m very proud,” bulalas ni Lotlot.
“Kagaya ngayon paalis siya, she’s going to Venice, she has a movie with direk Lav Diaz, with Tito Ronnie Lazaro, she’s so excited.
“Actually, nung nagsu-shooting sila niyan, tuwang-tuwa na talaga si Janine na napili siya ni direk Lav!
“Ang ganda din nung story, so kaabang-abang and para mapili siya to participate in the Venice Film Festival, it’s an honor,” tuwang-tuwang reaksyon pa ni Lotlot na pagtukoy sa pelikulang ‘Phantosmia.’
“Sabi ko nga [kay Janine], ‘Excited na akong makita ka to walk that red carpet’, kasi naka-entry din dun yung pelikula ni Lady Gaga tsaka ni Joaquin Phoenix, yung Joker sequel (Joker: Folie à Deux), iyon yung nakakatuwa,” pagtatapos pa ni Lotlot.
(ROMMEL L. GONZALES)
-
Ads November 26, 2020
-
Matapos na laitin na kamukha raw ni ‘Petrang Kabayo’… RHIAN, ang witty ng sagot sa basher na pinaghuhugas siya ng pinggan
ANG witty nang sagot ng Kapuso actress na si Rhian Ramos sa isang basher na nanglait sa kanya. Sinabihan lang naman si Rhian na kilala ring commercial model, singer, at race car driver ng basher ng, “Lookalike ni petrang kabayo, maghugas ka nalang ng pinggan hayop.” At sa halip na mainis […]
-
Ika-13 titulo asinta ng Perpetual Help Altas
NADAGDAGAN ang preparasyon ng mga bataan ni Perptual Hep Altas coach Sinfronio ‘Sammy’ Acaylar para sa National Collegiate Athletic Association (NCAA) Season 95 men’s volleyball finals. Kasalukuyang sagaran sa training ang UPH para paghandaan ang paparating na best-of-three finals makaraan ang 9-0 sweep sa elimination para sa awtomatikong pasok sa championship round. “Maganda […]