Walang nakikitang masama sa naging rebelasyon ng ex-bf… BIANCA, sinabing kaibigan pa rin si MIGUEL at happy sa kani-kanilang buhay

WALA raw nakikitang masama si Bianca Umali sa ginawang rebelasyon ni Miguel Tanfelix tungkol sa naging relasyon nila noon.

Kinumpirma nga ni Bianca na naging sila ni Miguel noong magka-loveteam pa sila.

“I don’t think I have any comments, kasi, honestly, I saw his interview and what he said. Finally he was able to talk about what happened to us. It was an issue that was never talked about, really. It was never… parang walang assurance at all sa mga tao kung ano ba ‘yung talagang nangyari.

“And, I think, by his answer to that question about us, it answered so many delusions… mga theories ng mga fans noon. I have nothing else to say kasi, I think, I would answer the same thing na totoo naman lahat ng sinabi niya,” sey ni Bianca.

Sinabi rin ni Bianca na friends naman daw sila ni Miguel, pero hindi raw tulad sila matatawag na barkada.

“Well, of course I couldn’t say that we are friend-friends kasi we are not as barkada-friends. But we are friends sa loob ng network. And we don’t really see each other that often. So nagkakabatian.”

Ngayon at romantically linked si Bianca ngayon kay Ruru Madrid na kasama niya sa teleserye na ‘The Write One’, hindi naman daw niya maitatanggi na naging malaking bagay si Miguel sa career niya bilang artista. Ilan sa mga TV shows na pinagsamahan ng BiGuel loveteam noon ay ‘Nino’, ‘Once Upon A Kiss’, ‘Wish I May’, ‘Mulawin Vs. Ravena’, ‘Kambal Karibal’, at ‘Sahaya’.

“Because it is for how many years and it’s disrespectful naman din to him na i-disregard ‘yung presence na ‘yon. So I have nothing against him talaga. It’s more of I’m just happy we both have our own lives, our own partners. We both have grown, he has grown, and I think it shows so much in that interview,” sey pa ni Bianca.

***

KAHIT tatlo na ang mga anak ni Camille Prats, maipagmamalaki pa rin nito ang kanyang alindog.

Sa isang bakasyon sa Boracay kasama ang kanyang pamilya, hindi nangiming mag-bikini si Camille para ipakita na alaga pa rin niyang ang kanyang katawan sa edad niya ngayon na 37.

Maraming netizens ang humanga sa magandang hubog ng katawan ni Camille na parang wala pa itong inuluwal na tatlong bata.

At teenager na ang panganay niyang si Nathan (15 years old) kaya tuwing magkatabi raw sila ay para silang magkapatid lang.

Kaya sa muling pagbalik ni Camille sa paggawa ng teleserye, pinaghandaan niya ito ng husto. Nag-workout ito para makayanan niya ulit ang puyatan sa taping set ng ‘AraBella’ kunsaan kasama niya ang Kapuso teen stars na sina Shayne Sava at Althea Ablan.

Five years din daw na hindi gumawa ng teleserye si Camille. Huli niyang ginawa ay noong 2018 pa na ‘Ang Forever Ko’y Ikaw’ kunsaan naka-partner niya si Neil Ryan Sese.

(RUEL J. MENDOZA)