• April 9, 2025
  • Search in People's Balita

  • Ang Diyaryong Pinagkakatiwalaan

 

Wallet na may laman shabu, napulot ng sekyu ng mall, may-ari timbog

BINITBIT sa kulungan ang isang binata matapos balikan ang kanyang wallet na may lamang shabu nang mapulot ng security guard ng mall sa Malabon City, kamakalawa ng gabi.

Mahaharap ang naarestong suspek na si alyas Dale, 19, ng Brgy. Longos sa kasong paglabag sa RA 9165 o ang Comprehensive Dangerous Drug Act of 2002.
Sa report ni PSSg Jerry Basungit kay Malabon police chief P/Col. Jay Baybayan, habang nagsasagawa ng routine patrol ang security guard ng Fisher Mall Malabon sa Brgy. Longos na si Elmer Looc Jr nang makita nito sa first floor ng mall ang isang wallet dakong alas-10:40 ng gabi.
Nang kanyang buksan para maghanap ng identification card ng may-ari nito ay nakita niya sa loob ang dalawang transparent plastic sachets na naglalaman ng hinihinalang shabu at isang glass tube na may laman sunog na marijuana kaya agad ipinaalam ng sekyu sa kanyang commander.
Habang hinihintay ang kanyang commander ay isang lalaki ang lumapit sa kanya at nagpakilala na siya ang may-ari ng naturang wallet kaya sinabihan siya ni Looc na hintayin na lamang nito ang commander niya.
Nang dumating ang security guard na si Danilo Baysa Jr, detachment commander, sinuri nito ang naturang wallet sa harap ng suspek kung saan nakita nila sa loob nito ang nasabing droga at glass tube.
Inaresto nila ang suspek at dinala sa Malabon Police Sub-Station (SS5), kasama ang nasamsam na hinihinalang shabu na nasa 2.82 grams na nagkakahalaga ng P19, 176.00 at glass tube. (Richard Mesa)

 

Other News

  • Mall hours adjustment ipatutupad sa November 18 – December 25 – MMDA

    NAGKASUNDO ang Metropolitan Manila Development Authority (MMDA) at mall operators sa National Capital Region (NCR) na ipatupad ang adjusted mall hours simula sa Nobyembre 18 hanggang Disyembre 25, 2024.     Sinabi ni MMDA Chairman Don Artes na iurong sa alas 11:00 ng umaga ang pagbubukas ng mall sa halip na normal operating hours, habang […]

    read more

  • Malakanyang, inanunsyo ang mga bagong appointees, promosyon sa ilalim ng administrasyong Marcos

    PATULOY na pinupunan ni Pangulong Ferdinand Marcos Jr., ang mga bakanteng posisyon sa gobyerno.     Sa katunayan, inanunsyo ng Malakanyang ang bagong appointees sa pamahalaan at promosyon sa military.     Sa Facebook post ng Presidential Communications Office (PCO), inanunsyo nito ang sumusunod na appointees at promosyon sa Department of Agriculture (DA) at Department […]

    read more

  • Tolentino, tatayong legal counsel ni Dela Rosa sa ICC probe

    MAGSISILBING  abogado ni Sen. Ronald “Bato” dela Rosa sa lahat ng proceedings na may kinalaman sa International Criminal Court (ICC) investigation si Sen. Francis Tolentino.     Ito ay kaugnay pa rin sa ginagawang imbesti­gasyon ng ICC tungkol sa drug war ng administrasyon ni dating Pangulong Duterte kung saan si Dela Rosa noon ang hepe […]

    read more
People's Balita.
All rights reserved. © Copyright 2025.