Watanabe, Knott pasok sa Tokyo Olympics
- Published on June 25, 2021
- by @peoplesbalita
Nadagdagan pa ng dalawa ang bilang ng mga atletang isasabak ng Pilipinas sa 2021 Olympic Games sa Tokyo, Japan sa Hulyo 23 hanggang Agosto 8.
Ito ay matapos makakuha ng Olympic berth sina Fil-Japanese judoka Kiyomi Watanabe at Fil-American trackster Kristina Knott sa pamamagitan ng continental quota at universality slot, ayon sa pagkakasunod.
Ngunit sa araw ng kanyang kumpirmasyon sa 2021 Tokyo Olympics ay nagpositibo si Knott sa coronavirus disease (COVID-19) kahit pa fully-vaccinated na siya sa Amerika.
“Kristina contracted COVID and she was tested positive yesterday hours before her second to the last competition,” ani Philippine Athletics Track and Field Association (PATAFA) president Philip Ella Juico.
Ang 25-anyos na si Knott ang nagtakbo sa gold medal ng women’s 200m run at sa 4x100m mixed relay ng 2019 Philippine SEA Games.
Sinira rin ng Fil-Am trackster ang 33-year Philippine national record na 11.28 segundo ni Lydia De Vega sa women’s 100m dash para sa bago niyang 11.27 segundo.
“She is not yet in Japan. This is not the start of the Olympics. She has about a month to recover from this,” dagdag pa ni Juico kay Knott.
Umabot na sa 15 ang lahok ng bansa sa 2021 Tokyo Games para palakasin ang tsansa sa inaasam na kauna-unahang Olympic gold medal.
Ang iba pang qualifiers ay sina golfer Juvic Pagunsan, shooter Jayson Valdez, weightlifters Hidilyn Diaz at Elreen Ando, pole vaulter Ernest John Obiena, skateboarder Margielyn Didal, gymnast Carlos Edriel Yulo, taekwondo jin Kurt Barbosa, rower Cris Nievarez at boxers Eumir Felix Marcial, Irish Magno, Nesthy Petecio at Carlo Paalam.
Nakamit ng 24-anyos na si Watanabe ang kanyang Olympics slot via continental quota sa women’s -63 kilogram division base sa final at official qualification list na inilabas ng International Judo Federation (IJF).
Mabibigyan din ang swimming ng dalawang universality slots para sa Tokyo Olympics sa katauhan nina Jaimie Deiparine at Remedy Rule.
-
Balik-acting na sa ‘Black Rider’: MICHELLE, excited na sa magiging role at makapag-motor
NOONG mag-guest si Miss Universe Philippines 2023 Michelle Marquez Dee sa ‘Fast Talk with Boy Abunda’, tinanong sa kanya ang final question sa Miss Universe na, “If you could live one year in another woman’s shoes, who would you choose and why?” Sagot ni Michelle: “If I could choose to live in any woman’s shoes, […]
-
JOHN BOYEGA ASCENDS TO THE THRONE AS KING GHEZO IN “THE WOMAN KING”
“HE walks as though the earth were honored by its burden.” When John Boyega (Star Wars franchise) read that line for Columbia Pictures’ epic action adventure The Woman King, he knew he would accept the role of King Ghezo. “It is one of the first lines that [director] Gina Prince-Bythewood quoted to me in her letter […]
-
Pilipinas may sariling 3-on-3 basketball league na
Mayroon ng sariling professional 3-on-3 basketball league ang Pilipinas. Ito ay matapos na bigyan ng Games and Amusement Board ang Chooks-to-Go Pilipinas 3×3 League sa bansa. Ayon kay GAB Chairman Baham Mitra, na tinanggap nila ang interest ng Chooks-to-Go 3×3 na maging professional. Pinasalamatan naman ni Chooks-to-Go league commissioner Eric Altamirano ang […]