• March 14, 2025
  • Search in People's Balita

  • Ang Diyaryong Pinagkakatiwalaan

 

Yulo kakasa sa 4 na finals event sa World Championships

NAGPAPARAMDAM  na ng puwersa si Tokyo Olympics veteran Carlos Edriel Yulo matapos pumasok sa finals ng apat na events sa prestihiyosong 51st FIG World Artistic Gymnastics Championships na ginaganap sa Liverpool, England.
Inilatag ni Yulo ang pinakamalakas na puwersa nito upang masiguro ang pag-entra sa finals kabilang na ang kanyang paboritong floor-exercise event.
Nanguna si Yulo sa floor exercise kung saan nakalikom ito ng 15.266 puntos mula sa 6.400 difficulty at 8.866 execution.
Pumangalawa naman si Yulo sa vault tangan ang 14.849 puntos laban sa nangunang si Artur Dav­tyan ng Armenia na may 14.900 puntos.
Si Yulo ang reigning champion sa vault event.
Pasok din sa finals si Yulo sa parallel bars kung saan naglista ito ng 15.300 puntos sapat para makuha ang No. 4 seed sa naturang event.
Sa kabuuan, puma­ngatlo si Yulo sa all-around event bitbit ang kabuuang 84.664 puntos para ma­ging ikaapat na event na nakaabante ito sa finals.
Masaya si Yulo sa kanyang performance ngunit hindi pa dapat magdiwang dahil qualifying pa lamang ito.
Umaasa si Yulo na mas mapapaganda pa nito ang kanyang performance sa finals upang makahirit ng gintong medalya.
“It’s a really good result but it’s just qualifying. I’m not boasting, it’s just not the final. If I can do it in the final then maybe I can be satisfied,” ani Yulo.
Kabilang sa mga tututukan ni Yulo ang rings, horizontal bar at pommel horse kung saan hindi ito nakapasok sa finals.
Nagkasya sa ika-10 si Yulo sa rings (14.066) habang ika-31 naman sa horizontal bar (13.533) at ika-102 sa pommel horse (11.766).
Nangako si Yulo na ibubuhos ang lahat ng kanyang lakas sa finals para masigurong makapag-uuwi ito ng medalya.
Other News

  • METRO MANILA FILM FESTIVAL 2020 ONLINE REVEALS PRICE & PLATFORM

    EARLIER last month, the Metropolitan Manila Development Authority (MMDA) announced that the annual Metro Manila Film Festival (MMFF) will stream online.   We all know, watching films from the MMFF lineup has become part of Filipinos’ Christmas traditions.   But since we’re well aware of the risks regarding Christmas parties and other social gatherings, we […]

    read more

  • ‘Alien: Romulus’ Cemented Itself as a Notable Box Office Performer

    THE Alien franchise has a big hit thanks to Alien: Romulus’ box office performance, as its domestic and worldwide opening total is excellent for the series.       Director Fede Álvarez was responsible for relaunching Ridley Scott’s horror/action sci-fi franchise seven years after Alien: Covenant disappointed financially.       Although the 2017 film […]

    read more

  • PBBM, naniniwalang walang dahilan para magtayo ang Pinas ng armory nito

    WALANG nakikitang dahilan si Pangulong  Ferdinand Marcos Jr. para magtayo ang Pilipinas ng  armory nito.     Para sa Chief Executive hindi palaging sagot ang “military solution” sa mga usapin.     Sa isinagawang dayalogo kasama si  World Economic Forum (WEF) President Borge Brende sa  Davos, tinanong si Pangulong Marcos kung kinokonsidera nito na doblehin  […]

    read more
People's Balita.
All rights reserved. © Copyright 2025.