1 kaso ng South African variant naitala sa PGH
- Published on March 8, 2021
- by @peoplesbalita
Naalarma ang mga healthcare workers ng Philippine General Hospital (PGH) makaraang biglaang sumirit ang kaso ng COVID-19 kabilang ang isang kaso ng South African variant.
Sinabi ni PGH Spokesperson Dr. Jonas del Rosario na nakapagtala na ng 105 bagong kaso ng COVID-19 nitong nakaraang Sabado. Ito na ang pinakamalaking bilang na naitala sa nakalipas na apat na buwan sa naturang pagamutan.
Sa impormasyon na ipinarating ng Philippine Genome Center (PGC) sa PGH, sa 30 samples na kanilang sinuri ay isa ang nagpositibo sa South African variant. Nasa 15 healthcare workers na rin umano ang infected ng COVID-19 mula Marso 1 hanggang 4.
Dahil dito aniya, nagsasagawa na ang PGH ng malawakang contact tracing, testing at pag-quarantine sa kanilang mga empleyado na na-exposed sa mga pasyente.
Sinuspinde na rin ang ‘clinical rotations’ ng mga medical clerks at interns para maiwasan na mahawa rin sila ng virus.
Ang lahat naman ng kanilang eligible staff ay pinayuhan nang magpaturok ng COVID-19 vaccine upang madagdagan ang kanilang proteksiyon laban sa virus.
Pansamantala na ring sinuspinde ang elective surgical procedures habang ang outpatient consultation ay dapat isagawa sa pamamagitan ng telemedicine. Hindi rin muna tatanggap ngayon ng ‘walk-ins’ ang kanilang outpatient department.
-
Deadline ng SIM registration, sa Abril 26
NILINAW kahapon ng Department of Information and Communications Technology (DICT) at ng National Telecommunications Commission (NTC) na ang deadline ng SIM registration, na Abril 26, 2023, ay alinsunod sa itinatakda ng batas. Matatandaang ang mandatory SIM registration ay nagsimula noong Disyembre 27, 2022 at magtatagal lamang ng 180 araw o hanggang Abril 26, 2023. […]
-
LGUs na tinamaan ng bagyong Odette, magdeklara ng ‘State of Calamity’- Nograles
MAY OPSYON ang Local Government Units (LGUs) na niragasa ng bagyong “Odette” na magdeklara ng “State of Calamity” sa kanilang lokalidad kung sa pakiramdam nila ay kinakailangan. Sinabi ni acting Presidential Spokesperson at Cabinet Secretary Karlo Nograles kay Pangulong Rodrigo Roa Duterte na ina-assess na ng National Disaster Risk Reduction and Management Council (NDRRMC) […]
-
Gobyerno, target bakunahan ang 15M sa 3-day nat’l vaccination drive
TARGET ng pamahalaan na bakunahan ang 15 milyong Filipino sa isasagawang three-day national Covid-19 vaccination program na tinawag na “Bayanihan, Bakunahan” Day mula Nobyembre 29 hanggang Disyembre 1. Sinabi ni Secretary Carlito Galvez Jr., chief implementer ng National Task Force (NTF) against Covid-19 sa Talk to the People ni Pangulong Rodrigo Roa Duterte, kasama […]