102% ng target population sa NCR, nakakuha na ng first dose ng Covid vax
- Published on November 17, 2021
- by @peoplesbalita
SINABI ni Vaccine czar Secretary Carlito Galvez Jr. na may 102.86% na ng target population sa National Capital Region (NCR) ang nakatanggap na ng kanilang first dose ng Covid-19 vaccine.
Sinabi ni Galvez, tumatayong chief implementer ng National Task Force (NTF) laban sa Covid-19, na may mahigit na 8.8 milyong indibiduwal o 90.75% ng target population ng Kalakhang Maynila ay fully vaccinated laban sa nakamamatay na sakit.
Kaya kumpiyansang inihayag nito na 17 local government units (LGUs) sa NCR ang maaaring gawing fully vaccinated ang kani-kanilang target populations, kabilang na ang mga kabataan na ang edad ay 12 hanggang 17, bago matapos ang taon.
Ani Galvez, ang Kalakhang Maynila ay isa sa mga priority regions na nakatanggap ng malaking bulto ng suplay ng bakuna, na mayroong mahigit na 20 milyong doses na na- deploy sa kanilang lokal na pamahalan “as of Nov. 8.”
“These deliveries are directly proportional to the current vaccination output of the region, which has already inoculated 102.86 percent of its target population with at least one dose,” dagdag na pahayag nito.
Pinuri naman ni Galvez ang mga Metro Manila mayors para sa panibagong “milestone” na ito sa vaccination program ng bansa.
“This proves that we remain on track with our vaccination targets. Truly, nothing is impossible if we all work together. A better Christmas is now at hand,” ani Galvez.
Tinukoy din ni Galvez na ang pagtaas sa kumpiyansa ng mga tao sa vaccination program ay bunsod na rin ng mababang kaso ng Covid 19 cases sa iba’t ibang bahagi ng bansa.
Nakatulong aniya ang vaccinatiin drive sa paglago at pagbangon ng ekonomiya ng bansa na umabot na sa 7.1% sa panahon ng third quarter, sa kabila ng anim na linggong strict lockdowns.
“Our next goal is to start and sustain the opening up of our classes to protect our children’s future and development. We need to vaccinate our students and teachers before the end of this year,” ani Galvez.
Samantala, nananatili namang matigas ang gobyerno sa layunin nito na kompletuhin ang pagbabakuna sa 54 milyong Filipino bago matapos ang Disyembre.
-
Catriona, personal na ipinaabot mga donasyon para sa typhoon victims sa Bicol
Kakaiba sa pakiramdam kung ilarawan ni 2018 Miss Universe Catriona Magnayon Gray ang pisikal na presensya sa pagtulong sa mga biktima ng kalamidad. Pahayag ito ng 26-year-old half Australian beauty na tubong Albay sa kanyang pagbisita mismo sa Camarines Sur at Catandunates upang ipamahagi ang mga nalikom na donasyon para sa mga biktima partikular […]
-
NET 25, patuloy ang paghataw ngayong 2023: Bagong ‘Oppa ng Bayan’ na si DAVID, bibida sa sitcom na ‘Good Will’
ANO nga ba ang tunay na kahulugan ng mana? Ito ba’y nasusukat lamang sa yaman o dami ng ari-arian? Sapat na ba ito para mabuhay nang ‘happy ever after?’ O meron bang mas makahulugang aral na hihigit pa sa makamundong pamumuhay? Meron nga bang kaligayahang hindi mabibili o matutumbasan ng salapi? Ito ang kuwento ni […]
-
Facebook, patuloy na nagpa-flag, delete, ‘spam’ ng mga PNA posts
SA KABILA ng kawalan ng paghingi ng paumanhin dahil “nagkamali”, patuloy naman ang ginagawa ng social media giant Facebook (Meta) na pagbawalan ang mga netizens na mag-post at mag-share ng mga piling stories o istorya mula sa Philippine News Agency (PNA) website para sa di umano’y paglabag laban sa “community standards”. Sabado ng […]