10th LBC Ronda: Pangarap ni Tugawin sa Team Tarlac
- Published on February 25, 2020
- by @peoplesbalita
PANGARAP ni Ryan Tugawin ng Tarlac Central Luzon na makilala sa larangan ng cycling kaya nais niyang makatulong sa Team Tarlac, bukod pa sa manalo ng stage upang mapansin at maipakita na may husay ito sa piniling sport.
Naisakatuparan ng 30-anyos na siklista ang misyon 10th LBC Ronda Pilipinas 2020 nang makipagsabayan sa mga astig na siklista sa pinal na 20 metro ng karera para pamayagpagan ang Stage 2 ng nasabing bikathon na pinakawalan sa Sorsogon at magwawakas sa harap ng Legazpi City Hall.
May kumpol na mga pedalpusher paentra sa huling isang kilometro, nagpuwestuhan ang mga ito habang dumidiskarte ang tubong Solano, Nueva Viscaya na si Tugawin.
Nang makahulagpos umungos si Tugawin sa unahan at nakipagbakbakan kina Ismael Grospe Jr. ng Go For Gold at George Oconer ng Standard Insurance-Navy para sa gabuhok niyang panalo sa tiyempong tatlong oras, 50 minuto at 37 segundo sa 154.5 kilometrong harurutan.
“Medyo nakalusot mula sa likod, nakatutok lang po kasi ako, tapos si George (Oconer) umatake, hinabol ko,” kuwento ng magsasakang si Tugawin.
Sumegundo si Grospe habang tumersero si Oconer na kapareho ng oras kay Tugawin sa event, pero hindi sapat ang oras ni Tugawin para maagaw ang Red Jersey kay Stage 1 winner Mark Julius Bordeos ng Bicycology Shop-Army.
Nakakapit pa rin sa General individual classification si Bordeos sa tangang anim na oras, 56 minuto at 34 segundo, tatlong segundong abante kay No. 2 Jerry Aquino Jr. ng Scratch It at tig-anim na segundo kina Oconer at Rustom Lim ng 7Eleven Cliqq-Air21 by Roadbike Philippines, na nasa 3-4, ayon sa pagkakasunod.
Larga ngayong araw ang Legaspi-Naga City Stage 3. (REC)
-
Publiko, binalaan ng DOH vs imported mpox vaccines
PINAG-IINGAT ng Department of Health (DOH) ang publiko laban sa isang uri ng imported mpox vaccine na sinasabing available na sa bansa. Sa inilabas na health advisory kahapon, sinabi ng DOH na nakarating sa kanilang kaalaman na may organisasyon o mga indibidwal ang nag-aalok ng naturang imported mpox vaccines. Kaugnay nito, […]
-
Mister isinelda sa pangmomolestiya sa live-in partner ng anak
REHAS na bakal ang kinasadlakan ng isang contractor matapos ireklamo ng pangmomolestiya sa live-in partner ng kanyang anak sa Navotas City, ng madaling araw. Nahaharap sa kasong Acts of Lasciviousness ang suspek na kinilala lang sa alyas “Rudy”, 44-anyos, contractor at residente ng Brgy. NBBS Proper. Sa report ni PCpl Myra […]
-
Robredo nanawagan para sa mas ‘organisadong’ pag-asikaso sa repatriated OFWs
Tinawag ni Vice President Leni Robredo ang pansin ng concerned agencies na nag-aasikaso sa repatriated Pinoy overseas workers dahil sa COVID-19 pandemic. Nabatid kasi ng bise presidente na tila hindi pa rin organisado ang tulong sa mga umuwing OFW, kung saan karamihan ay na-stranded sa mga quarantine centers sa Metro Manila. “Medyo disorganized talaga… […]