• April 20, 2024
  • Ang Diyaryong Pinagkakatiwalaan

16 milyong bakuna darating ngayong Hulyo

May 16 milyong dose ng COVID-19 vaccine ang matatanggap ng Pilipinas ngayong buwan, ayon kay Cabinet Secretary Karlo Nograles.

 

 

Habang sa Agosto naman makakatanggap ang bansa ng 14 milyong dose ng bakuna.

 

 

Sa Hulyo 14, mas marami pang doses ng Sinovac ang darating na gagamitin sa mga priority areas kabilang dito ang NCR+8 areas, na kinabibilangan ng Metro Manila, Pampanga, Bulacan, Cavite, Laguna, Rizal, Metro Cebu, at Metro Davao.

 

 

Kasama rin sa listahan ng priority areas ang mga lungsod ng Bacolod, Iloilo, Cagayan De Oro, Baguio, Zamboanga, Dumaguete, Tuguegarao, General Santos, Naga, at Legazpi.

 

 

Na-ideploy na rin ng pamahalaan sa NCR+8 areas ang may 1.1 milyong doses ng AstraZeneca na idino­nate ng Japanese government.

 

 

Samantala, pinasalamatan ni Pangulong Rodrigo Roa Duterte ang gobyerno ng Japan at si Prime Minister Yoshihide Suga dahil sa ginawa nito na masiguro na magkaroon ng equitable access ang gobyerno ng Pilipinas sa Covid-19 vaccines.

 

Sinabi ng Pangulo sa kanyang naging talumpati na malayo ang mararating ng mahigit sa isang milyong doses na AstraZeneca vaccine na donasyon ng Japan sa laban ng bansa para makamit ang herd immunity.

 

“Japan continues to be our strong partner in various development programs. Our cooperation in fighting the pandemic is truly an indication of the deep friednship between our two countries,” ayon sa Pangulo.

 

Pinuri naman ng Chief Executive ang National Task Force Covid-19 at ang Department of Health sa pagtiyak na magiging matagumpay ang delivery, distribution at rollout ng mga bakuna sa iba’t ibang bahagi ng bansa.

 

“Let me assure everyone that throughout our vaccination rollout we will prioritize the safety and quality of all vaccines that we are distributing across the country,” diing pahayag ng Punong Ehekutibo.

 

Aniya pa, aktibong nagsasama-sama ang mga health authorities at ang international counterparts nito para patuloy na pag-aralan ang kaligtasan at epektibo ng bakuna.

 

“Again, I express my heartfelt gratitude to Japan for all of the assistance you have extended to our country during these challenging times. By providing cold chain transport and ancillaries, you have enabled us to ensure the safe and efficient transport of these vaccines and preserve its quality and integrity,” ayon kay Pangulong Duterte.

 

At para naman sa mga mamamayang Filipino, tiniyak ng Pangulo na mananatiling committed ang pamahalaan na makakuha ng sapat na suplay ng ligtas at epektibong Covid-19 vaccines.

 

Kaya nga, hinikayat nito ang lahat na magpabakuna na at tumulong na mapigilan na kumalat pa ang virus.

 

Kailangan aniyang ipagpatuloy ang “safety rules and health protocols” kahi bakunado na.

 

“Together let us beat the pandemic and ensure our way towards a better and brighter tomorrow. Mabuhay kayong lahat,” ang pahayag ni Pangulong Duterte. (Daris Jose)

Other News
  • 2nd gold nasungkit ni Carlos Yulo

    Tinapos ni Carlos Yulo ang double-gold campaign sa FIG Artistic Gymnastics World Cup Series sa Baku, Azerbaijan, sa paghahari niya sa vault final kahapon.   Si Yulo, sariwa pa sa isang panalo sa parallel bars final noong Sabado, ay pinatamis ang kanyang paghatak sa nakakumbinsi na panalo sa vault matapos tumapos lamang sa ikatlong bahagi […]

  • TUMANGAY NG MOUNTAIN BIKE, ARESTADO

    KINADENA na, tinangka pang nakawin ng isang miyembro ng ‘Bahala na Gang’ ang isang mountain bike habang nakaparada sa isang parking sa Malate, Maynila.   Kasong Theft ang kinakaharap ng suspek na si Eric Bedonio, 40, may live-in partner ng 1880 Mayon St., Bulkan, Punta Sta Ana Manila dahil sa reklamo ni Maria Ninel  Madlangbayan, 16, sa […]

  • Public schools na may free Wi-Fi ‘kumonti sa 1.8%’; senador dismayado

    WALA pang 2% ng mga pampublikong paaralan ang merong libreng access sa internet Wi-Fi sa Pilipinas ayon sa isang senador — ito kahit limang taon na matapos maisabatas ang Republic Act 10929 o Free Internet Access in Public Places Act.     Ito ang pinuna ni Sen. Sherwin Gatchalian, sa isang pahayag na inilabas ngayong […]