2 barangay sa Navotas, isinailalim sa lockdown
- Published on August 5, 2021
- by @peoplesbalita
ISINAILALIM sa dalawang linggong lockdown ang dalawang barangay sa Navotas City simula August 3 ng hating gabi hanggang 4am ng August 16 dahil sa mabilis na pagdami ng hawaan ng COVID-19.
“Napilitan po tayong magpatupad ng lockdown sa Tanza 1 at Tanza 2 dahil sa mabilis na pagdami ng mga nahahawaan ng COVID-19 sa nasabing mga barangay. Sa mass testing na ating isinagawa kamakailan lang, 25% ang nagpositibo. Bagaman may ECQ na sa August 6, kinailangan nating maglockdown para mahinto ang mabilis na hawaan,” ani Mayor Toby Tiangco.
Lahat ng mga residente sa Tanza 1 at Tanza 2 ay dapat manatili sa bahay at kailangan sumailalim sa swab test ang mga residente sa lugar na mataas ang hawaan. Sinumang magpositibo ay dadalhin agad sa Community Isolation Facility. Bibigyan din ng relief packs ang mga pamilyang apektado.
Samantala, ang mga may trabaho o negosyo ay papayagang lumabas hanggang August 5 pero dapat ay hindi sila close contact at kailangan lang magpresenta sila ng valid company ID, certificate of employment o business/DTI permit.
Sa August 6-20, makalalabas lamang kung sino ang papayagan ng IATF.
Habang umiiral ang lockdown pati na ang ECQ, ang araw ng pamamalengke o pagbili ng essentials ng Brgy. Tanza 1 ay Miyerkules, Biyernes at Linggo. Sa Brgy. Tanza 2 naman ay Martes, Huwebes at Sabado. Pagsapit ng August 6, mga polisiya na ng ECQ ang susundin.
“Hindi po natin gusto ang lockdown; mahirap ito para sa ating lahat. Ngunit kailangan po ito para sa ikabubuti ng bawat isa. Hinihingi po namin ang iyong lubos na suporta at kooperasyon,” pahayag ng alkalde. (Richard Mesa)
-
Mga basketball fans at ilang atletang Pinoy sabik na makuha sa NBA Draft si Kai Sotto ngunit nabigo itong makamit
INAABANGAN na ng maraming Filipino basketball fans kung mapipili sa 2022 NBA Draft si 7-foot-3 center na si Kai Sotto. Isinagawa kahapon ang NBA Draft sa Barclays Center sa Brooklyn, New York. Maraming mga kapwa basketball players at national athletes sa bansa ang nagpapaabot ng ‘good luck’ wish kay Sotto. […]
-
DOLE, mag-aalok ng 10-day cash-for work para sa mga indibidwal apektado ng pag-alboroto ng Bulkang Taal
MAG-AALOK ang Department of Labor and Employment (DOLE) ng sampung araw na trabaho bilang tulong para sa libu-lubng indibidwal na apektado matapos ang pag-alburuto ng bulkan. Ayon kay Labor Secretary Silvestre Bello III, kikita ng P4,000 ang kada manggagawa para sa 10 araw na trabaho dahil ang minimum na sahod sa region 4 […]
-
NBI, posibleng pumasok na rin sa imbestigasyon sa umano’y ‘tongpats system’ sa DA – DoJ
Nakahanda raw ang Department of Justice (DoJ) na imbestigahan ang kontrobersiya sa “tongpats sytem” sa Department of Agriculture (DA). Sinabi ni Justice Sec. Menardo Guevarra, sa ngayon ay kinakailangan lamang na makakuha sila ng mga impormasyon hinggil sa sinasabing tongpats o suhulan sa DA partikular sa meat importation. Tinitiyak ng kalihim […]