• June 3, 2023
  • Ang Diyaryong Pinagkakatiwalaan

2 drug pushers huli sa P442K shabu

Pinuri ng bagong Northern Police District (NPD) Director na si P/BGen. Eliseo Cruz ang District Drug Enforcement Unit (DDEU) matapos ang matagumpay na drug operation na nagresulta sa pagkakasabat sa halos P.5 milyon halaga ng shabu mula sa dalawang naarestong drug pushers sa Caloocan city, kamakalawa ng gabi.

 

Kinilala ni P/BGen. Cruz ang naarestong mga suspek na si Dante Tordera, 45, isang notoryus drug pusher na dating nadakip dahil sa droga subalit, nakalaya noong March 20 dahil sa plea bargaining agreement sa Caloocan Regional Trial (RTC) Branch 120 at May Adriano, 45 ng 226 San Bartolome St. Maypajo, Brgy. 34.

 

Ayon kay P/BGen. Cruz, dakong 10 ng gabi nang isagawa ng mga operatiba ng DDEU sa pangunguna ni P/Capt. Ramon Aquiatan, Jr. ang buy-bust operation sa bahay ni Adriano kung saan isang undercover police na nagpanggap na buyer ang nagawang makabili sa mga suspek ng P6,000 halaga ng shabu.

 

Kaagad sinunggaban ng mga operatiba ang mga suspek matapos tanggapin ang marked money mula sa buyer kapalit ng isang medium plastic sachet ng shabu.

 

Nakumpiska sa mga suspek ang aabot sa 65 gramo ng shabu na may standard drug prize P442,000.00 ang halaga, marked money na binubuo ng isang tunay na P1,000 bill at limang pirasong P1,000 boodle money at isang digital weighing scale. (Richard Mesa)

Other News
  • PDU30, tuluyan nang tinuldukan ang E-sabong

    TULUYAN nang tinuldukan ni Pangulong Rodrigo Roa Duterte ang E-sabong kasunod ng reKOmendasyon ni Interior Secretary Eduardo Año.     “The recommendation of Sec. Año is to do away with e-sabong,” ayon kay Pangulong Duterte sa kanyang Talk to the People, araw ng Martes.     “And I agree with it, E-sabong will end by […]

  • Ads April 23, 2021

  • Sibuyas, nangungunang smuggled product sa Pilipinas – PNP

    INIHAYAG ng PNP na sa kabila ng iba’t-ibang mga pekeng produkto, ang pinakamaraming smuggled products na naitala sa Pilipinas ay produkto ng mga sibuyas.     Iniulat ni Police Brigadier General Romeo Caramat Jr. na P137.6 milyong halaga ng sibuyas ang naipuslit sa bansa mula noong 2019.     Aniya, mula Enero 2019 hanggang Abril […]