2 drug suspects nalambat sa Navotas buy-bust
- Published on October 30, 2020
- by @peoplesbalita
ARESTADO ang dalawang hinihinalang tulak ng ilegal na droga matapos makuhanan ng higit sa P.6 milyon halaga ng shabu sa buy-bust operation ng pulisya sa Navotas City, kamakalawa ng gabi.
Kinilala ni Navotas Police Chief Col. Rolando Balasabas ang naarestong mga suspek na si Michael Manalaysay, 41 ng M. Domingo St. Brgy. Tangos North at Jayson Esguera, 40 ng Silahis St. Brgy. Tanza 1.
Ayon kay Col. Balasabas, nakatanggap ng report ang mga operatiba ng Station Drug Enforcement Unit (SDEU) hinggil sa pagbebenta umano ng illegal na droga ng mga suspek sa lungsod kaya’t isinailalim sila sa monitoring at surveillance operation.
Nang makumpirma ang ulat, nagsagawa ang mga operatiba ng SDEU sa pangunguna ni PLT Genere Sanchez ng buy-bust operation sa M. Domingo St. alas-8 ng gabi na nagresulta sa pagkakaaresto sa mga suspek matapos bentahan ng P500 halaga ng shabu ang isang pulis na umaktong buyer.
Nakuha sa mga suspek ang aabot sa 101 gramo ng hinihinalang shabu na tinatayang nasa P686,000.00 ang halaga, buy-bust money at P500 bill.
Mahaharap ang mga suspek sa kasong paglabag sa Comprehensive Dangerous Drugs Act of 2002. (Richard Mesa)
-
F2 Logistics taps Regine Diego as head coach
Tinapik ng F2 Logistics si Regine Diego para maging full-time na head coach ng Cargo Movers para sa 2023 Premier Volleyball League season. Ginawa ng koponan ang anunsyo noong Huwebes. “Isang dating DLSU Lady Spiker na nag-transition from player to coach… Isang champion athlete at champion coach,” basahin ang pahayag ng koponan. […]
-
LALAKI ARESTADO SA PAGBEBENTA NG BARIL
ARESTADO ang isang lalaki na nagbebenta ng baril sa ikinasang gun bust operation ng mga tauhan ng Manila Police District (MPD) kagabi sa Tondo, Maynila . Kinilala ang suspek na si Mark Oliver Buenaventura , alyas Mico, 21, binata ng 1987 Almeda St. Brgy 226 Zone 21, Tondo, Manila. Kilala rin […]
-
Sa unforgettable 13th anniversary episode ng ‘Good News’: VICKY, sinamahan ni SHAIRA na mag-ikot sa South Korea
ESPESYAL na episode ang handog ng weekly news magazine show na “Good News” para sa ika-13 taon nito dahil biyaheng South Korea si Vicky Morales kasama pa si Sparkle artist Shaira Diaz ngayong gabi (April 20), 9 p.m. on GTV. Ipapasyal ni Vicky at ng certified Korean culture fanatic na si Shaira ang […]