2 LABANDERA TIMBOG SA P3.4 MILYON SHABU
- Published on August 6, 2020
- by @peoplesbalita
NASAMSAM ng mga awtoridad ang mahigit sa P3 milyon halaga ng shabu sa dalawang labandera na big-time umanong tulak ng ilegal na droga matapos maaresto sa isinagawang buy-bust operation sa Caloocan city, kamakalawa ng gabi.
Kinilala ni Northern Police District (NPD) Director P/Brig. Gen. Ronaldo Ylagan ang naarestong mga suspek na si Mary Jane Malabanan, 49 ng 278 Bayanihan St. Brgy. 159 at Grace Palacio, 48 ng East Libis Baesa, Brgy. 160, Sta Quiteria.
Ayon kay Caloocan police chief P/Col. Dario Menor, bandang alas-11:20 ng gabi nang isagawa ng mga operatiba ng Station Drug Enforcement Unit (SDEU) sa pangunguna ni P/Capt. Joel Guimpatan at P/Capt. Danilo Esguerra, Jr. ng Sub-Station 6 sa harap ng bahay ni Malabanan.
Kaagad dinamba ng mga operatiba ang mga suspek matapos bentahan ng isang medium size knot tied transparent plastic bag ng shabu ang isang pulis na nagpanggap na poseur-buyer kapalit ng P70,000 marked money na binubuo ng dalawang tunay na P1,000 bill at 68 piraso ng 1,0000 boodle money.
Nakumpiska ng mga operatiba sa mga suspek ang aabot sa 500 gramo ng hinihinalang shabu na may standard drug price P3,400,000 ang halaga, at buy-bust money.
Kasong paglabag sa Comprehensive Dangerous Drug Act of 2002 ang isinampa ng pulisya kontra sa mga suspek sa Caloocan City Prosecutor’s Office. (Richard Mesa)
-
EDU, iginiit ang kahalagahan ng pagkakaroon ng matapang na lider
TAGLAY ni Vice President Leni Robredo ang malinaw at kongkretong plataporma para palakasin pa ang Philippine National Police (PNP) kapag nanalong pangulo sa halalan sa Mayo 9. Ito ang siniguro ng aktor na si Edu Manzano sa isang video message kung saan iginiit niya ang kahalagahan ng pagkakaroon ng matapang na lider na magpapatibay sa sistema […]
-
P20.28-M na pinsala sa agri sector dulot ng pagputok ng bulkang Bulusan
PUMALO na sa kabuuang P20.28 million ang kabuuang pinsala sa sektor ng agrikultura na naidulot ng pagputok ng bulkang Bulusan sa Sorsogon nitong Linggo lamang. Ang naturang tala ay mula sa tatlong bayan na apektado ng pagbagsak ng abo, partikular na ang Casiguran, Juban at Irosin. Pinakamalaking bahagdan ng […]
-
Travel ban sa 7 bansa pinalawig – BI
Muling ipatutupad ng Bureau of Immigration (BI) ang ekstensyon sa travel ban sa pitong bansa upang maiwasang makapasok ang Indian variant ng COVID-19 hanggang sa Hunyo 30. Sinabi ni BI Commissioner Jaime Morente na ito ay bilang pagsunod sa utos galing sa Malacañang na huwag pa ring papasukin ang mga biyahero mula sa […]