2 pasaway sa ordinansa sa Caloocan, dinampot sa boga
- Published on January 11, 2024
- by @peoplesbalita
SA halip na multa lang dahil sa paglabag sa ordinansa, sa selda ang bagsak ng dalawang lalaki matapos silang arestuhin ng pulisya dahil sa ilegal na pagdadala ng baril sa magkahiwalay na lugar sa Caloocan City.
Ayon kay Caloocan police chief P/Col. Ruben Lacuesta, unang nasita ng mga tauhan ng Police Sub-Station 11 na nagsasagawa ng Simultaneous Anti-Criminality and Law Enforcement Operation (SACLEO) ang 39-anyos na pintor na si alyas “Ef-Ef”, ng Bagong Silang habang nakaupo at naninigarilyo sa pampublikong lugar sa bangketa ng Bicol Area St. Brgy. 175 na isang paglabag sa umiiral na ordinansa ng lungsod.
Nang pinatayo siya ni P/Capt. Joel Pinon, team leader ng SS11, napansin nila ang nakasukbit na kalibre .38 revolver sa baywang ng suspek na walang kaukulang dokumento na dahilan ng kanyang pagkakadakip.
Dakong alas-11:35 naman nang sitahin ng pulisya ang tambay na si alyas “Angelito” 18, ng Bagong Silang, nang matiyempuhang umiihi sa pampublikong lugar sa Phase 4, Robis, Brgy. 176, na isa ring paglabag sa umiiral na ordinansa.
Nang hanapan ng identification card (ID) ng mga tauhan ni Col. Lacuesta ang binata para sa pagi-isyu sa kanya ng OVR, napansin ng pulisya ang nakasukbit sa kanyang baywang na isang paltik na pen gun na may bala ng kalibre .38.
Ang dalawang pasaway na lumabag sa umiiral na ordinansa ay kapuwa sinampahan ng mas mabigat na kasong paglabag sa R.A. 10591 o ang Comprehensive Law on Firearms and Ammunition sa Caloocan City Prosecutor’s Office. (Richard Mesa)
-
‘Mission: Impossible 7’ Director Reveals Tom Cruise’s New And Groundbreaking Stunt
Mission: Impossible – Dead Reckoning Part One director Christopher McQuarrie has revealed that he and star Tom Cruise are developing a brand new, groundbreaking stunt. The pair first collaborated on 2008’s Valkyrie, which was co-written by McQuarrie. The next time they worked together was a minor overlap three years later, when McQuarrie performed script […]
-
2 tulak nalambat sa P24 milyong marijuana sa Navotas
NASAMSAM ng mga awtoridad ang tinatayang nasa P2.4 milyon halaga ng marijuana sa dalawang hinihinalang drug pushers matapos maaresto sa isinagawang buy-bust operation sa Navotas City, kamakalawa ng gabi. Kinilala ni Navotas police chief Col. Dexter Ollaging ang naarestong mga suspek na sina Ali James Erese alyas “Ali”, 20 ng 99 4E Hermosa […]
-
‘Di dapat ginagawa yun lalo na babaing minamahal… Sa pananakit ni KIT kay ANA, nahihiya si Sec. ROQUE bilang lalaki
MAGAGANAP sa Biyernes ang launching ni Bea Alonzo bilang bagong Brand Ambassador ng Beautederm REIKO Slimaxine at REIKO Fitox. Ito ang bagong dagdag sa mga endorsements ni Bea. Two of her new endorsements are Century Tuna at Kopiko Blanca. Laging bongga ang launching ng Beautederm ni Ms. Rhea Tan. Ano naman […]