2 ‘tulak’ tiklo sa Malabon, Valenzuela drug bust
- Published on June 20, 2024
- by @peoplesbalita
SHOOT sa selda ang dalawang hinihinalang tulak ng ilegal na droga matapos matimbog sa magkahiwalay na buy bust operation sa Malabon at Valenzuela Cities.
Sa report ng Station Drug Enforcement Unit (SDEU) kay Malabon police chief P/Col. Jay Baybayan, nakatanggap sila ng impormasyon ang hinggil sa umano’y ilegal drug activities ni alyas ‘Tokwa’, 37, kaya ikinasa ng SDEU ang buy bust operation kontra sa suspek.
Nang tanggapin ng suspek ang marked money mula sa pulis na nagpanggap na buyer kapalit ng isang plastic sachet ng shabu ay agad siyang dinamba ng mga operatiba, dakong alas-9:30 ng Martes ng gabi sa Ilang-Ilang Street corner Ilang- Ilang III St., Brgy. Baritan.
Nakumpiska sa suspek ang nasa 5 grams ng hinihinalang shabu na may Standard Drug Price value na P34,000.00 at buy bust money.
Sa Valenzuela, nadakip naman ng mga tauhan ni Valenzuela police chief P/Col. Nixon Cayaban sa buy bust operation sa Ka Melanio St. corner Rincon Road, Brgy. Rincon dakong alas-2:45 ng Miyerkules ng madaling araw si alyas ‘Robert’, 53.
Nakuha ng mga operatiba ng SDEU sa pangunguna ni P/Lt. Johnny Llave sa suspek ang nasa 7 grams ng hinihinalang shabu na nagkakahalaga ng P47,600.00, buy bust money na isang P500 bill at apat pirasong P1,000 boodle money, 100 rerecovered money at itim na coin purse.
Mahaharap ang mga suspek sa kasong paglabag sa RA 1965 o Comprehensive Dangerous Drug Act of 2002. (Richard Mesa)
-
Mo, Billy pupukpukin ni Leo sa center post
LEHITIMONG natirang sentro sina Moala Tautuaa at Billy Mamaril sa San Miguel Beer para sa parating na 45th Philippine Basketball Association 2020 Philippine Cup sa papasok na buwan. Ang dalawa muna ang ipantatapat ni coach Leovino Austria sa 11 kalabang mga koponan habang hindi pa nakakahanap ng dagdag na pamasak sa gitna sa paglaho […]
-
Perez pambulaga ng SMB bilang panimula, kapalitan
INAARAL pa ni Leovino ‘Leo’ Austria ang magiging papel ni Christian Jaymar ‘CJ’ Perez sa San Miguel Beer kung starter, o off the bench para sa pagbubukas ng 46th Philippine Basketball Association (PBA 2021 Philippine Cup. Mababatid ito kapag nakaliskisan na sa ensayo na ang 2018-19 Rookie of the Year, 2018 top rookie […]
-
12 nalambat sa drug ops sa Camanava, halos P1M shabu, nasamsam
PINURI ni Northern Police District (NPD) Acting Director P/Col. Ponce Rogelio Peñones Jr ang District Drug Enforce Unit (DDEU-NPD) at Caloocan, Malabon, Navotas at Valenzuela Cities Police Stations sa matagumpay na drug operation na nagresulta sa pagkaaaresto sa 12 drug suspects at pagkakakumpiska sa halos P1 milyon halaga ng illegal na droga. Alas-11:45 […]