• July 19, 2024
  • Ang Diyaryong Pinagkakatiwalaan

2 wanted persons, timbog sa Valenzuela

DALAWANG lalaki na listed bilang most wanted persons ang nalambat ng pulisya sa magkahiwalay na manhunt operation in relation to SAFE NCRPO sa Valenzuela City.

 

 

Ayon kay Valenzuela police chief P/Col. Salvador Destura Jr., kumuha ng National Police Clearance si Ralph Joseph Alejandrino, 35 ng Brgy., Balangkas sa Valenzuela City Police Station sa Mc-Arthur Highway, Brgy. Karuhatan subalit, nang i-verify ay nadiskubreng mayroon siyang nakabinbing warrant of arrest.

 

 

Alinsunod aniya sa kampanya ng PNP kontra wanted persons, isinilbi ng mga operatiba ng Warrant and Subpoena Section (WSS) ng Valenzuela police sa pangunguna ni PLt Ronald Bautista, kasama ang 5th MFC, RMFB, NCRPO isang warrant of arrest na nagresulta sa pagkakaaresto kay Alejandrino alas-11:30 ng umaga.

 

 

Ani PLt Bautista, si Alejandrino ay inaresto nila sa bisa ng warrant of arrest na inisyu ni Judge Paulino Quitoras Gallegos ng Regional Trial Court (RTC) Branch 47, Manila City para sa paglabag sa National Internal Revenue Code of 1997 as amended by R.A. 8424 (6 counts).

 

 

Dakong alas-2:30 naman ng hapon nang maaresto din ng kabilang team ng WSS at ang mga tauhan ng 5th MFC, RMFB, NCRPO sa manhunt operation sa A. Pablo St., Barangay Karuhatan ang isa pang most wanted na kinilala bilang si Farjohn Paterno, 23 ng Brgy. Ugong.

 

 

Si Paterno ay dinakip sa bisa ng warrant of arrest na inisyu ni Judge Oven Kuan Ontalan ng Regional Trial Court (RTC) Branch 285, Valenzuela City para sa paglabag sa Section 11 (Illegal Possession of Dangerous Drugs) of Art. II of R.A. 9165 (The Comprehensive Dangerous Drugs Act of 2002).

 

 

Pinuri naman ni Northern Police District (NPD) Acting District Director P/Col. Ponce Rogelio Peñones Jr ang Valenzuela police sa pamumuno ni Col. Destura dahil sa masigasig na kampanya nito kontra wanted persons. (BISHOP JESUS “JEMBA” M. BASCO)

Other News
  • SHARON, umaming ‘devastated’ sa pinagdaraanan at humihiling na ipagdasal

    WORRIED ang mga friends at fans ni Megastar Sharon Cuneta, sa Instagram post niya na devastated daw siya ngayon.     Ayon kay Sharon, “Rarely has my faith in our Almighty God ever wavered.. But now, sadly, as I am only human after all, it is wavering…I am devastated.  And forgive me if I cannot […]

  • 5 huli sa aktong sumisinghot ng shabu sa Valenzuela

    ISINELDA ang limang katao matapos mahuli sa akto ng mga pulis na sumisinghot umano ng shabu sa Valenzuela City.     Kinilala ni Valenzuela Police Sub-Station 7 Commander P/Capt. Arnold San Juan ang mga naarestong suspek bilang sina Jr Bungadelyo, 28, construction worker, Gary Jose, 40, helper, Jestoni Ebrada, 36, helper, Johnrod Tolentino, 31, cook […]

  • Abueva, nagpakitang gilas sa muling pagbabalik sa Phoenix, nilampaso ang NLEX 114-110

    BUMIDA si Calvin Abueva sa panalo ng Phoenix laban sa NLEX 114-110.   Nagtala ito ng 21 points, 13 rebounds at pitong assists para maitala ng Fuel Masters ang ikaapat na panalo sa anim na laro sa PBA Philippine Cup na ginaganap sa Angeles University Foundation gym.   Sinabi nito na pinaghandaan niya ang nasabing […]