200-K trabaho, inaasahang maibabalik – DTI
- Published on May 17, 2021
- by @peoplesbalita
Aabot sa 200,000 trabaho ang inaasahang maibabalik kasunod ng paglalagay sa National Capital Region (NCR) gayundin sa mga karatig na lalawigan ng Rizal, Bulacan, Cavite, at Laguna, sa ilalim ng general community quarantine (GCQ) simula bukas, Mayo 15.
Ayon kay Department of Trade and Industry (DTI) Secretary Ramon Lopez, magmula nang inilagay kasi ang “NCR Plus” sa ilalim ng enhanced community quarantine (ECQ) noong Marso ay 1.5 million Pilipino ang nawalan ng trabaho.
Bumaba ito ng hanggang 1 million nang inilagay ang NCR at mga karatig lalawigan sa ilalim naman ng modified ECQ noong Abril.
Sa ngayon, ang bilang ng mga manggagawang nawalan ng trabaho ay bumaba pa sa 700,000 matapos na payagan ng national govenrment ang limited operations ng ilang mga establisiyemento tulad ng mga dine-in restaurants, barber shops at parlors sa gitna ng MECQ.
Kagabi sa isang televised address, inanunsyo ni Pangulong Rodrigo Duterte na ang NCR Plus ay ilalagay na sa ilalim ng GCQ na mayroong “heightened restrictions” mula Mayo 15 hanggang Mayo 31.
Kabilang sa mga economic activities na pinapayagan sa bagong quarantine classification na ito ay ang indoor dine-in services sa 20% venue o seating capacity, outdoor o al fresco dining sa 50% venue o seating capacity, at outdoor tourism. (Daris Jose)
-
P14.1B ginastos ng gobyerno sa PPEs, med equipment vs. COVID-1
Gumastos ang pamahalaan ng P14.1 billion para sa pagbili ng protective gear, test kits, at medical equipment bilang bahagi ng pagsisikap ng bansa para mapigilan ang COVID-19. Sa halagang ito, P12.1 billion ang napunta sa pagbili ng 6,062,019 personal protective equipment (PPE) sets habang ang P1.6 billion ay ginamit naman sa pagbili ng 9 na […]
-
Gilas Pilipinas bigo kontra Lebanon, 85-81; 27-pts ni Clarkson nasayang
NABIGO ang Gilas Pilipinas kontra sa Lebanon, 85-81 sa kanilang paghaharap sa 4th window ng FIBA World Cup Asian Qualifiers kaninang madaling araw. Sa unang quarter ay hawak pa ng Gilas ang kalamangan hanggang sa mahabol ito ng powerhouse team na Lebanon sa laro na ginanap sa Nouhad Nawfal Sports Complex. […]
-
Gobyerno, nakahanda para sa ‘worst case scenario’ sa pagputok ng Bulkang Kanlaon
NAKAHANDA ang gobyerno para sa ‘worst case scenario’ kasunod ng pagputok ng Bulkang Kanlaon sa Negros Island. Sinabi ni Office of Civil Defense (OCD) Assistant Secretary Raffy Alejandro na inihanda na ang evacuation centers sakali’t tumaas ang alert level. Sa kasalukuyan, ang alert level ay 3. “At Alert Level 4, the number […]