• July 3, 2024
  • Search in People's Balita

  • Ang Diyaryong Pinagkakatiwalaan

 

28 bagong scholars, tinanggap ng Navotas

MALUGOD na tinanggap ng Pamahalaang Lungsod ng Navotas ang 28 bagong academic scholars para sa school year 2023-2024.
Pinangunahan ni Mayor John Rey Tiangco ang paglagda sa memorandum of agreement na nagbibigay ng NavotaAs Academic Scholarship sa 15 incoming high school freshmen, 11 incoming freshmen sa kolehiyo, at dalawang guro na naghahanap ng mas mataas na edukasyon.
“Deserving Navoteño learners should get access to quality education without worrying about their finances. The support they receive through this scholarship enables them to dream big and work towards achieving their aspirations in life,” ani Tiangco.
Makakatanggap ang mga high school scholar ng P18,000 kada academic year para sa book, transportation, at food allowance.
Ang mga iskolar ng Navotas Polytechnic College ay makakakuha naman ng P22,000 kada academic year para sa tuition, book, transportation, at food allowance habang ang mga scholars ng ibang kolehiyo o unibersidad ay tatanggap ng P262,000 para sa parehong.
Makakakuha naman ang mga teacher-scholar ng P75,000 bawat academic year para sa kanilang matrikula; libro, transportasyon, food allowance; at research grant.
Samantala, pinarangalan ng Pamahalaang Lungsod ng Navotas sa pangunguna ni Mayor Tiangco ang Navoteño student-athletes na nagwagi ng medalya sa ginanap kamakailan na Palarong Pambansa 2023.
Ang mga medalist ay makatatanggap ng cash incentives ayon sa Navoteño Athletes and Coaches Cash Incentives Ordinance habang ang mga indibidwal na gold medalists ay makakukuha ng P4,500, silver, P4,000 at bronze, P3,500 kada sports event.
Ang mga atleta naman na nanalo bilang isang koponan ay tatanggap ng P4,000, P3,500, at P3,000 bawat isa para sa paghakot ng ginto, silver at bronze medals, ayon sa pagkakasunod. (Richard Mesa)
Other News

  • ‘Red-tagging spree’ vs kabataan, katiwalian ibinabala sa P150-M DepEd confidential funds

    KINONDENA  ng isang human rights group ang kontrobersyal na P150 milyong confidential funds na mungkahing ibigay ng Department of Education — bagay na posibleng magamit pa raw sa katiwalian at paniniktik sa kabataan.     Bahagi lang ito nang mahigit P650 milyong proposed confidential funds sa ilalim ni Bise Presidente Sara Duterte sa 2023, na […]

    read more

  • 31st SEA Games: Chef De Mission Ramon Fernandez, kinalampag ang IATF para maisabak na sa bubble training mga atleta

    Determinado na si Chef De Mission Ramon Fernandez na masimulan ang pagsasanay ng mga national athlete kahit sa Nobyembre pa ang 31st Southeast Asian (SEA) Games sa Hanoi, Vietnam.     Dadaan pa kasi sa ilang hakbang para magawa ito, una ay ang paghingi ng Philippine Sports Commission (PSC) at ng Philippine Olympic Committee (POC) […]

    read more

  • DOH: Publiko gustong mauna sa bakuna ang government officials

    Nais umano ng taumbayan na makita na maunang magpabakuna ang mga opisyal ng pamahalaan bago sila sumailalim sa ‘vaccination’, ayon sa Department of Health (DOH).     Sinabi ni Dr. Beverly Ho, DOH Director for Promotion and Communication Service, ito ang resulta ng isinagawa nilang “focus group discussions (FGD)” kung saan tinitignan ng publiko ang […]

    read more
People's Balita.
All rights reserved. © Copyright 2024.