28 eskwela sa Metro Manila face-to-face muli simula ika-6 ng Disyembre

Muling madadagdagan ang listahan ng mga paaralang sasabak sa pilot implementation ng harapang mga klase habang kumakalma ang COVID-19 situation sa Pilipinas — kasama rito ang ilang paaralan mula sa National Capital Region (NCR).

“NCR schools will start on December 6. For the other queries we will give more details during our presscon next week,” wika ni DepEd Director for Public Affairs Service June Arvin Gudoy sa isang pahayag, Huwebes.

Kabilang sa mga magsisimula na ng in-person classes sa Lunes ang mga sumusunod na paaralan:

• Andres Bonifacio Elementary School, elementarya lang (Caloocan City)
• Bagumbong Elementary School, elementarya lang (Caloocan City)
• Comembo Elementary School, elementarya lang (Makati City)
• Santiago Syjuco Memorial Integrated Secondary School, junior at senior high school (Malabon City)
• Amado T. Reyes Elementary School, elementarya lang (Mandaluyong City)
• Renato R. Lopez Elementary School, elementarya lang (Mandaluyong City)
• Aurora A. Quezon Elementary School, elementarya lang (Manila City)
• Ramon Q. Avancena High School, junior at senior high school (Manila City)
• St. Mary Elementary School, elementarya lang (Marikina City)
• Tañong High School, junior at senior high school (Marikina City)
• Putatan Elementary School, elementarya lang (Muntinlupa City)
• Tunasan National High School, junior at senior high school (Muntinlupa City)
• Bangkulasi Senior High School, senior high school lang (Navotas City)
• Filemon T. Lizan Senior High School, senior high school lang (Navotas City)
• Don Galo Elementary School, elementarya lang (Parañaque City)
• La Huerta Elementary School, elementarya lang (Parañaque City)
• Padre Zamora Elementary School, elementarya lang (Pasay City)
• Ugong National High School, junior at senior high school (Pasig City)
• Pasig Elementary School, elementarya lang (Pasig City)
• Bagong Silangan Elementary School, elementarya lang (Quezon City)
• Payatas B Elementary School, elementarya lang (Quezon City)
• Ricardo P. Cruz, Sr. Elementary School, elementarya lang (Taguig City)
• Sen. Renato “Compañero” Cayetano Memorial Science & Technology High School, junior at senior high school (Taguig City)
• Roberta De Jesus Elementary School – Disiplina Village Bignay Extension, elementarya lang (Valenzuela City)
• Tagalag Elementary School, elementarya lang (Valenzuela City)
• Las Piñas National High School, junior at senior high school (Las Piñas City)
• Las Piñas City National Senior High School – Manuyo Campus, senior high school lang (Las Piñas City)

Ang mga sumusunod ay bahagi lamang ng 177 paaralang idadagdag sa pilot study ng limited face-to-face classes, batay sa validated reports ng DepEd mula sa mga rehiyon as of November 30, 2021.

Bukod pa ito sa 100 pampubliko at 20 pribadong eskwelahang una nang napayagan ng Kagawaran ng Edukasyon na maglunsad ng harapang mga klase habang nagpapatuloy ang pandemya. (Daris Jose)