3 bagong COVID-19 variants pinangangambahan
- Published on January 12, 2022
- by @peoplesbalita
TATLONG bagong variants ng COVID-19 na tinatawag na Deltacron o Delmicron, Flurona at IHU ang pinangangambahan ngayon na kumalat makaraang matuklasan sa Europa at Amerika.
Agad namang pinawi kahapon ng Department of Health (DOH) ang pangamba sa mga Pilipino sa pagsasabing wala pa sa Pilipinas ang naturang mga variants.
“Currently, no recorded cases here in the Philippines. Our experts are still studying this,” ayon sa pahayag ng DOH.
Iginiit din ng DOH na ang World Health Organization (WHO) ang siyang awtoridad sa pagkumpirma sa naturang mga variants at pagdetermina kung ang mga ito ay “Variant under Monitoring (VUM), Variant of Interest (VOI), o Variant of Concern” na.
Ayon sa mga internasyunal na ulat, may 25 kaso na ng Deltacron ang natukoy sa bansang Cyprus. Nakitaan ang Deltacron ng 10 mutasyon mula sa Omicron variant habang ang “genetic background” nito ay kahalintulad naman ng Delta variant.
Posible umano na dahil sa pagkakasabay ng Delta at Omicron, lumikha na ito ng bagong variant na resulta ng pagpapalit-palit ng mga ito ng “genes”.
Samantala, natagpuan naman sa 12 pasyente sa France ang IHU na may 46 na mutasyon. Hindi pa naman mabatid kung gaano kabagsik at gaano kabilis kumalat ng naturang variant na kailangan pang isailalim sa dagdag na mga pagsusuri.
Natagpuan naman ang tinatawag na Flurona sa dalawang pasyente sa Estados Unidos at isa sa Israel. Ang Flurona ang tawag sa pinaghalong impeksyon ng “influenza o flu” at ng COVID-19.
-
Pacquiao todo pasalamat sa pagbasura ng korte sa kanyang P2.2-billion tax case, giit na ‘napolitika’ lamang siya
MISTULANG nabunutan ng tinik si dating Filipino boxing champion Manny Pacquiao matapos ibinasura na ng Court of Tax Appeals ang tax case nito. Ipinaabot ni ex- Pacquiao ang kanyang pasasalamat dahil lumabas na rin aniya ang katotohanan. Inihayag nitong napolitika umano siya noon kaya nagkaroon ng nasabing isyu. At […]
-
Marcelino sobra na ang sakripisyo
PINAGTAPAT ni Philippine Basketball Association o PBA rookie rookie Jaycee Marcelino ng Alaska Milk na naging mahirap para sa kanya ang pagkakatengga ng ika-45 na edisyon ng propesyonal liga na Philippine Cup 2020 elimination round. Ayon kamakalawa sa basketbolista, may 10 buwan siyang hindi nakapaglaro ng opisyal na basketbol o magbuhat nang yumukod ang […]
-
BBM pamumunuan ang Department of Agriculture
PAMUMUNUAN ni President-elect Ferdinand Marcos Jr. ang Department of Agriculture (DA) kasabay ng kanyang panunungkulan bilang Pangulo ng bansa sa unang bahagi ng kanyang administrasyon. Si Marcos mismo ang nag-anunsyo sa kanyang hahawakang posisyon bago ang kanyang panunumpa bilang pangulo sa Hunyo 30. Ipinahiwatig ni Marcos na pansamantala lamang ang gagawin […]