3 drug suspects nadakma sa buy bust sa Malabon, Valenzuela
- Published on December 21, 2021
- by @peoplesbalita
KULUNGAN ang kinasadlakan ng tatlong hinihinalang tulak ng illegal na droga, kabilang ang 18-anyos na bebot matapos madamba sa magkahiwalay na buy bust operation ng pulisya sa Malabon at Valenzuela Cities, kahapon ng madaling araw.
Kinilala ni Malabon police chief Col. Albet Barot ang naarestong mga suspek na sina Dan Patrick Lumagbas alyas “Bimboy”, 24, ng Dagat-dagatan Brgy. Longos at Mary Berjolie Vicente alyas “Em”, 18 ng Purok 6, Dulong Hernandez, Brgy. Catmon.
Sa imbestigasyon ni PMSg Randy Billedo, dakong alas-5:30 ng madaling araw nang magsagawa ang mga operatiba ng Station Drug Enforcement Unit (SDEU) sa ilalim ng pangangasiwa ni PLT Alexander Dela Cruz ng buy bust operation sa Hasa-Hasa St., Brgy. Longos na nagresulta sa pagkakaaresto sa mga suspek matapos bentahan ng P500 halaga ng droga ang isang police poseur-buyer.
Nakumpiska sa mga suspek ang tinatayang nasa 7.80 grams ng hinihinalang shabu na may standard drug price P53,040, buy bust money at cellphone.
Sa Valenzuela, natimbog din ng mga operatiba ng SDEU ng Valenzuela police sa pamumuno ni PLT Joel Madregalejo si Antonio Doon sa buy bust operation sa Sugar St., Llenado Subd., Brgy. Karuhatan dakong alas-3:30 ng madaling araw.
Nakuha sa kanya ang apat na plastic sachets na naglalaman ng hindi pa matukoy na halaga ng hinihinalang shabu, P500 buy bust money, P300 cash, cellphone at pouch.
Nahaharap ang mga naarestong suspek sa kasong paglabag sa RA 9165 o Comprehensive Dangerous Drug Act of 2002. (Richard Mesa)
-
Pormal nang inihain ang impeachment complain laban kay VP Sara Duterte sa Kamara
PORMAL na naghain ng impeachment complaint laban kay Vice President Sara Duterte ang ilang civil socity organizations (CSOs), religious leaders, sectoral representatives at pamilya ng tokhang victims sa Kamara. Pasado alas-2 ng hapon ng sama-samang nagtungo ang iba’t ibang grupo kasama na si dating senadora Leila de Lima at Akbayan Party List […]
-
May 1 pang dapat gawin para makalaro si Abueva
KINUMPLETO na lahat ni Calvin Abueva ang requirements sa kanya ng Philippine Basketball Association o PBA upang maalis ang indefinite suspension na nagsimula noon pang Hunyo 2019. Pero may isang kailangan pang tuparin o isagawa ang PBA star, na pinagkakatanggi-tanggi lang kamakalawa ni professional league Commissioner Wilfrido (Willie) Marcial kung ano pa ang bagay […]
-
Miles, agaw-eksena ang kahusayan sa maaksyong pilot episode: Celebrity screening ng ‘Batang Quiapo’ nina COCO, suportado ng mga big stars
KAHAPON, ika-7 ng Pebrero, ginanap ang star-studded celebrity screening ng inaabangang primetime series na ABS-CBN series na “Batang Quiapo” sa TriNoma Cinema 7. Pinangunahan ito ng Hari ng Primetime na si Coco Martin at ng kanyang newest leading lady na si Supreme Actress Lovi Poe kasama sina Ms. Charo Santos-Concio, John Estrada, at Cherry Pie […]