• February 27, 2024
  • Ang Diyaryong Pinagkakatiwalaan

3 natagpuang patay sa ginagawang bahay

NATAGPUANG wala ng buhay sanhi ng mga saksak sa katawan ang tatlong katao, kabilang ang dalawang nursing graduate at isang estudyante sa isang ginagawang bahay sa Caloocan City, kamakalawa ng hapon.

 

Kinilala ang mga biktima na sina Arjay Belencio y Sarmiento, 22, estudyante; Glydyl Belonio y Mamon, 23, nursing graduate; at Mona Ismael habibolla, 22, nursing graduate, pawang natagpuang tadtad ng saksak sa kanilang katawan sa tinitirhan sa Catmon St., Phase 1, Brgy. 179, Amparo Subd., Caloocan City dakong 12:30 ng hapon.

 

Patuloy naman ang isinasagawang follow-up imbestigasyon ng Caloocan city police para sa posibleng pagkakilanlan at pagkakaaresto ng salarin sa insidente.

 

Ayon sa pulisya, isang kaanak ng mga biktima ang nag-utos kina Jhonny Aliansas, 30, may- asawa, panadero, ng Vanguard, Brgy. 178, Camarin, at John Roy Sarmiento, 20, binata, estudyante, ng parehong adres na puntahan ang nasabing ginagawang bahay dahil paulit- ulit nang tinatawagan sa kanilang cellphone ang mga biktima ngunit hindi sila sumasagot.

 

Pagdating nila Aliansas at Sarmiento sa naturang bahay ay nakakandado ang gate kaya’t binato nila ang bahay ngunit wala pa ring lumalabas o sumasagot.

 

Dito ay nagpasya ang dalawa na akyatin na ang bakod at at pagpasok nila ng bahay ay bumulaga sa kanila ang mga bangkay ng tatlong biktima kaya’t tumawag sila sa awtoridad at naunang rumesponde ang mga tanod na sina Geronimo Cano at Reynaldo Vecino kasama sina Patrolman Jimmy Vargas at Patrolman Gellord Catabang ng Caloocan Police Sub Station 15.

 

Ipinapalagay na isa lamang ang salarin ngunit dalawa ang ginamit na sa pagpatay, isang kitchen knife at isang icepick at posibleng kilala ng mga biktima ang salarin dahil walang palatandaang pinwersang pasukin ang bahay. (Richard Mesa)

Other News
  • Na-promote bilang 2nd Lieutenant ng Reserve Force: ROCCO, layong maka-inspire ng mga kabataan na mag-enlist din sa AFP

    PROUD si Rocco Nacino sa bago niyang responsibilidad matapos ma-promote bilang Second Lieutenant ng Reserve Force ng Armed Forces of the Philippines.     Sa kanyang Instagram, sinabi ni Rocco na magsisilbi siyang Second Lieutenant ng Nurse Corps, Civil Military Affair Brigade ng AFP Reserve Command.     “Today I accepted the challenge of wearing […]

  • WHO naalarma na, 180,000 healthcare workers namatay dahil sa COVID-19

    Nababahala na ang World Health Organization (WHO) na maaaring madagdagan pa ang bilang ng mga healthcare workers sa buong mundo kapag kulang ang bakunahan.     Sinabi ni WHO head Dr. Tedros Adhanom Ghebreyesus na kailangang prayoridad na bakunahan ang mga healthcare workers dahil nasa 80,000 hanggang 180,000 na ang mga healthcare workers na namatay […]

  • Gun ban violators sa BSKE, pumalo na sa higit 1,600

    TINATAYANG  nasa 1,615 gun ban violator na ang nadakip ng Philippine  National Police (PNP) simula nang ito ay  ipatupad kasabay ng isasagawang  Barangay at Sangguniang Kabataan Elections (BSKE) sa bansa.     Kampanya ito ng PNP upang masiguro na maa­yos at payapa ang barangay eleksyon ngayong taon.     Lumilitaw sa datos na inilabas ni […]