3 sa 4 na sundalong nasawi sa Sulu shootout, binigyan ng military honors
- Published on July 2, 2020
- by @peoplesbalita
Binigyan ng military arrival honors ang tatlo sa apat na sundalo na nasawi sa shootout sa Sulu sa pagdating ng kanilang mga labi sa Villamor Air Base kahapon.
Mismong si Philippine Army Chief, Lt.Gen. Gilbert Gapay ang sumalubong sa mga labi nina Maj. Marvin Indammog, Cpt. Irwin Managuelod, at Sgt. Jaime Velasco.
Habang ang burial rites para Cpl. Abdal Asula, ay ginawa na sa sa Sulu.
Nasawi ang apat na sundalo matapos barilin ng mga tauhan ng Jolo Municipal Police station nitong Lunes ng hapon sa harap ng Jolo Central Fire Station sa Barangay Walled City, Jolo, Sulu.
Ayon sa militar, ang apat na miyembro ng military intelligence unit ay nagsasagawa ng operasyon kontra sa mga suspected terrorist bombers nang mangyari ang insidente.
Tiniyak ni Gapay na ipagkakaloob ng militar ang lahat ng tulong sa mga pamilya ng mga biktima.
Nangako din si Gapay na sisiguruhin ng Philippine Army na mabibigyan ng hustisya ang pagkamatay ng kanilang mga kasamahan.
-
Bulacan, tumanggap ng 900 doses ng Sinovac na bakuna
LUNGSOD NG MALOLOS – Matapos ang maingat na pagpaplano at paghahanda para sa pagdating ng mga bakuna, naglaan ang Department of Health Regional Office III ng 900 doses ng COVID-19 vaccines mula sa drugmaker na Sinovac Biotech sa Pamahalaang Panlalawigan ng Bulacan ngayong araw. Dinala ang mga bakuna sa itinalagang cold storage room sa lalawigan na matatagpuan sa Isidoro Torres […]
-
Negosasyon ng pamahalaan sa Pfizer, nagiging mabusisi
SINABI ng gobyerno na lawyer to lawyer ang magiging transaksiyon sa kasalukuyan ng gobyerno sa kumpanyang Pfizer. Ayon kay Vaccine czar Secretary Carlito Galvez , itoy dahil na rin sa mahigpit na patakaran ng Pfizer lalo na sa isyu ng indemnification. Sa kasalukuyan ay halos tapos na ang negosasyon sa pitong kumpanyang maaaring […]
-
New look ni SARAH na naka-pixie cut, nag-viral sa social media; second time pa lang nagpagupit ng maiksi
NAG-VIRAL sa social media ang new look ni Sarah Geronimo. Naka-pixie cut si Sarah at kinumpirma ng kanyang hair stylist na si RJ dela Cruz na hindi iyon wig kundi buhok talaga ng misis ni Matteo Guidicelli. Unang nakita ang short hairstyle ni Sarah sa 5th anniversary virtual event ng Landers […]