• June 14, 2024
  • Ang Diyaryong Pinagkakatiwalaan

3 tulak arestado sa P.7 milyon halaga ng shabu

TIMBOG ang tatlong umano’y notoryus drug pushers matapos makuhanan ng nasa P.7 milyon halaga ng shabu sa isinagawang buy-bust operation ng mga pulis sa Malabon City, kahapon ng umaga.

 

Kinilala ni Malabon police chief P/Col. Jessie Tamayao ang mga naarestong suspek na si Paul John Mendoza, 23, Ian Vher Oquendo, 28, kapwa ng Block 9 Pamasawata, Caloocan city at Neil Ryan Atienza, 40 ng 264 M. Sioson St. Brgy. Dampalit, Malabon.

 

Ayon kay Col. Tamayao, matapos ang higit isang linggong surveillance operation sa mga suspek, agad ikinasa ng mga operatiba ng Station Drug Enforcement Unit (SDEU) sa pangunguna ni P/ Capt. Johnny Baltan ang buy-bust operation sa Tanigue at Dalagang Bukid Streets, Brgy. Longos na nagresulta sa pagkakaaresto sa tatlo matapos bintahan ni Mendoza ng isang sachet ng shabu ang isang police poseur-buyer kapalit ng P1,000 marked money.
Nang kapkapan, nakumpiska sa mga suspek ang tatlong medium size plastic sachets at dalawang maliit na plastic sachets na naglalaman lahat ng hinihinalang shabu na tinata-yang nasa 103.00 gramo at may corresponding standard drug price na P700,400.00 ang halaga, habang ang buy-bust money ay nakuha kay Mendoza.

 

Kasong paglabag sa R.A 9165 o Comprehensive Dangerous Drug Act of 2002 ang isinampa ng pulisya kontra sa mga naarestong suspek sa Malabon City Prosecutor’s Office. (Richard Mesa)

Other News
  • Pinas may silver na

    TUMIYAK ng silver me­dal ang Philippine national beach handball team matapos magposte ng 3-1 record sa 31st Southeast Asian Games kahapon sa Tuan Chau Island sa Quang Ninh Province, Vietnam.     Muling tinalo ng mga Pinoy bets ang Thailand, 2-1, sa ikalawa nilang pagtutuos matapos kunin ang 2-0 panalo noong Biyernes.     Ang […]

  • PAGSASARA SA MGA SHOPPING MALLS, PINAG-AARALAN PA

    WALA pang plano  ang pamahalaang Lungsod ng Maynila para sa pansamantalang pagsasara ng mga shopping malls at iba pang establisimyento sa lungsod.

  • PBBM, ipinag-utos sa PSA na bilisan ang paglilimbag sa PhilSys digital ID

    IPINAG-UTOS ni Pangulong  Ferdinand R. Marcos Jr. , araw ng Martes sa Philippine Statistics Authority (PSA) na i-fast-track o madaliin ang printing o paglilimbag sa digital version ng  Philippine Identification System (PhilSys) ID.     “Let us print out as much as we can and then isunod natin ‘yung physical ID as soon as we […]