‘3 weeks na voter registration extension, aprubado na ng Comelec’
- Published on September 30, 2021
- by @peoplesbalita
Aprubado na raw ng Commission on Elections (Comelec) ang pagpapalawig pa ng voter registration matapos hilingin ng dalawang kapulungan ng Kongreso maging ng ilan nating kababayan na nais magparehistro.
Ayon kay Comelec Chairman Sheriff Abas, ang extension ng voter registration ay isasagawa sa Oktubre 9 hanggang Oktubre 31.
Ang voter registration ay magtatapos na sana bukas Setyembre 30.
Aniya, ang unang walong araw kasi ng buwan ng Oktubre ay nakalaan na para sa filing ng certificate of candidacy (CoC) para sa mga kandidatong tatakbo sa 2022 national at local elections.
Kasabay nito, hiniling naman ni Comelec Spokesperson James Jimenez sa mga botante na i-dowload ang voter registration form sa website ng Comelec.
Paliwanag niya, mas mapapadali ang pagrehistro kapag na-download na mismo ng mga botante ang registration form.
Kapag magpaparehistro, huwag daw kalimutang dalhin ang kanilang valid ID maging ang photocopy nito, ballpen at downloaded forms.
Samantala, sa pinakahuling datos mula sa Comelec, mahigit 63 million na ang kabuuang botante sa bansa at mahigit limang milyon dito ang mga bagong botante.
-
90% ng populasyon ng mundo, may resistance na kontra COVID-19 – World Health Organization
INIHAYAG ng World Health Organization (WHO) na tinatayang nasa 90% na ng kabuuang populasyon ng mundo ang mayroon nang resistance kontra sa sakit na COVID-19. Ayon kay WHO Director-General Tedros Adhanom Ghebreyesus, bunga ito ng tuluy-tuloy na malawakang bakunahan sa iba’t-ibang panig ng daigdig laban sa nasabing sakit dahilan kung bakit nagkaroon na […]
-
PBBM, committed na gawing maayos ang buhay ng mga pinoy- Malakanyang
COMMITTED si Pangulong Ferdinand Marcos Jr. na gawing mas maayos ng buhay ng mga filipino sa post-pandemic economy. Ang pahayag na ito ni Undersecretary Cheloy Garafil, officer-in-charge ng Office of the Press Secretary ay matapos lumabas ang isang survey na nagpapakita na mayorya ng mga filipino ang naniniwala na patungo sa tamang direksyon ang PIlipinas […]
-
Proklamasyon ng mga nanalong party-list, sabay-sabay na ipoproklama sa Mayo 25 – Comelec
POSIBLENG sabay-sabay na ipoproklama ng Commission on Elections (Comelec) sa susunod na linggo ang mga nanalong party-list groups. Ayon kay Comelec Spokesperson John Rex Laudiangco, kapag natapos na raw ang special elections sa Lanao del Sur at kung hindi na makakaapekto sa bilangan ang mga certificate of canvass mula sa Shanghai sa China […]