• February 21, 2024
  • Ang Diyaryong Pinagkakatiwalaan

30% passenger capacity sa mga PUVs pinag-aaralang itaas sa 40% sa susunod na 2 linggo – DOTr

PAG-AARALAN ng Department of Transportation (DOTr) ang posibilidad na madagdagan pa ang passenger capacity sa mga public utility vehicles (PUVs) sa mga susunod na dalawang linggo.

 

Sinabi ito ni DOTr Assistant Secretary Goddes Hope Libiran matapos na iakyat sa 30 percent ang passenger capacity sa mga pampublikong sasakyan simula ngayong araw.

 

Ayon kay Libiran, posibleng itaas pa ang bilang na ito sa 40 percent hanggang 50 percent sa susunod na dalawang linggo.

 

Ito ay depende na rin aniya sa guidance ng Inter-Agency Task Force for the Management of Emerging Infectious Diseases (IATF- EID) sa mga susunod na araw at kung walang magiging problema sa gradual increase sa passenger capacity na sinimulang ipinatupad ngayong araw.

 

Kaya naman mahigpit ang bilin ng DOTr sa mga pasahero, pati na rin sa mga operators ng mga pampublikong sasakyan, na palaging isaisip at gawin ang tinaguriang “7 commandments” sa ilalim ng new normal:

 

1.Magsuot ng face mask at face shield;

2. Bawal ang pagsasalita, pakikipag-usap o pagsagot ng telepono;

3. Bawal kumain;

4. Kailangang may sapat na ventilation;

5. Kailangang may frequent disinfection;

6. Bawal magsakay ng symptomatic passenger;

7. Kinakailangang sumunod sa appropriate physical distancing

 

Samantala, patuloy namang nakikipag-ugnayan ang Land Transportation Franchising and Regulatory Board (LTFRB) sa mga lokal na pamahalaan para sa biyahe ng mga provincial buses papasok at palabas ng Metro Manila.

Sinabi ni Libiran na noong nakaraang buwan ay nagkaroon ulit ng consultation meeting ang LTFRB sa iba’t ibang LGUs.

 

Kakaunti pa lamang aniya ang mga probinsya na nagpahayag ng kanilang approval para sa pagbubukas ng kanilang borders dahil sa banta pa rin ng COVID-19 pandemic.

Other News
  • DSWD: P935 milyong educational ayuda, naipamahagi na

    UMAABOT na sa mahigit P935 milyong halaga ng educational assistance ang naipamahagi na ng Department of Social Welfare and Development (DSWD) sa mahigit 370,000 student beneficiaries mula ng ipinatupad ang naturang programa.     Ayon kay DSWD Un­dersecretary Jerico Javier, hanggang noong Setyembre 10, aabot na sa P935,971,800 ang kabuuang halaga na naipamahagi nila sa […]

  • MRT-3, tiniyak na ‘di magtataas ng singil sa pasahe matapos ang 1-mo. free ride

    MULING  iginiit ng pamunuan ng Metro Rail Transit Line 3 (MRT-3) na hindi magkakaroon ng pagtaas sa singil sa pamasahe sa tren ang naturang railway pagkatapos ng isang buwang pagpapatupad ng libreng sakay dito.     Ipinahayag ito ni MRT-3 acting general manager Michael Capati na kasabay ng pagsasabing mananatili sa P13 hanggang P28 ang […]

  • Makinarya ng gobyerno, siniguro na gumagana para sa mga residenteng posibleng maapektuhan ng pag-aalboroto ng Bulkang Mayon

    SINIGURO ng pamahalaan na gumagana ang makinarya ng gobyerno sa harap ng patuloy na pagbabantay sa aktibidad ng Bulkang Mayon sa Albay gayundin sa Taal at Kanlaon.     Ayon kay DSWD Secretary Rex Gatchalian sa press briefing sa Malakanyang, kumikilos ang lahat ng mga kinauukulang ahensiya ng gobyerno para tugunan ang anumang  pangangailangan ng […]