30K MT importation para maging matatag ang suplay sa ‘closed fishing season’- BFAR
- Published on October 18, 2024
- by @peoplesbalita
SINABI ng Bureau of Fisheries and Aquatic Resources (BFAR) na ang pag-angkat ng 30,000 metric tons (MT) ng isda ay makatutulong para mapanatiling matatag ang suplay sa lokal na pamilihan sa panahon ng taunang ‘closed fishing season’ na itinakda tuwing Nov. 1 hanggang Jan. 31.
Sinabi ni BFAR spokesperson Nazario Briguera na ang supplementary importation ay makakapunan sa supply gap at matitiyak na matatag ang presyo sa lokal na pamilihan sa gitna ng inaasahang limitadong huli sa nasabing panahon.
“Para magkaroon ng pagkakataon ang ating mga mamimili na makapamili ng ayon sa kanilang budget, makapamili ng isda na hindi mabigat sa kanilang bulsa, kailangan may sapat na supply. So, may mga alternatibong supply para sa ating mga mamimili,” ang sinabi ni Briguera.
“Ang sinisiguro natin, mapanatili ang affordable na presyo ng ating mga isda sa mga palengke sa panahon ng closed fishing season.”aniya pa rin.
Tinuran nito na ang imported fish mula Vietnam at Tsina ay darating kada batch, simula sa katapusan ng Oktubre o unang linggo ng Nobyembre, tamang tama sa panahon para sa ‘closed fishing season.’
Nakatakda namang ipag-utos ng BFAR ang ‘closed fishing season’ sa North Eastern Palawan, pangunahing pinagkukuhanan ng galunggong o mackerel scad ng Pilipinas mula Nov. 1, 2024 hanggang Jan. 31, 2025.
Susundan naman ito ng ‘closed fishing’ sa Visayan Sea at Zamboanga Peninsula mula Nov. 15, 2024 hanggang Feb. 15, 2025 para sa small pelagic fish gaya ng sardinas.
Pinapayagan sa taunang ‘closed fishing season’ ang punuin ang fish stocks at pabilisin ang pagpaparami at paglago ng marine resources. (Daris Jose)
-
Civil wedding, tuloy na sa December at sa 2024 naman sa church: CHINA, carry pa ring makipagsabayan sa mga ‘hot mama’ ng Viva
NAKAUSAP namin ang naging kontrobersyal na si China Roces, na CEO rin ng Glamoroces Coffee na isang slimming drink na merong bonggang collagen at glutathione, sa ‘Kapihan sa U Hotel’ hosted by our friend, Gary Sta. Ana. Nagkaroon na ng grand launching last month ang naturang produkto sa isang comedy bar. […]
-
NFA chief, 138 pa sinuspinde sa bagsak presyong bigas
PINATAWAN ng Office of the Ombudsman ng anim na buwang preventive suspension ang nasa 139 opisyal ng National Food Administration dahil sa bentahan ng rice buffer stocks. Kasama sa mga suspendido sina NFA Administrator Roderico Bioco, Asst. Admin John Robert Hermano at iba pang regional managers at warehouse supervisors. Dahil dito […]
-
Defending champion Bucks isang panalo na lang para umusad sa 2nd round
ISANG panalo na lamang ang kailangan ng defending champion na Milwauke Bucks para umusad sa second round ng NBA playoffs matapos na ilampaso ang Chicago Bulls sa score na 119-95. Dinomina ng dating MVP na si Giannis Antetokounmpo ang laro nang kumamada ng 32 points, 17 rebounds at seven assists upang iposte ang […]