423 JOBSEEKERS HIRED-ON-THE-SPOT SA SM’S LABOR DAY JOB FAIRS

UMABOT sa 423 jobseekers ang na hired on the spot sa isinagawang magkasabay na job fair noong labor day kung saan nag-host ang SM City Grand Central at SM City Valenzuela.

Ipinakita sa collaborative initiative na ito sa pagitan ng SM Supermalls, Department of Labor and Employment, Local Government Units, at Public Employment Service Office (PESO) units ng Caloocan at Valenzuela City, kasama ang Private Sector Advisory Council (PSAC) Jobs Committee, iba’t ibang asosasyon ng industriya, at SM Retail, ang bawat isa sa mga mall na pangako sa pag-streamline ng proseso sa paghahanap ng trabaho at pagpapaunlad ng ekonomiya.

Sa SM City Grand Central, 166 job seekers ang na-hired-on-the-spot, habang 257 na indibidwal ang nakakuha ng trabaho on the spot sa SM City Valenzuela.

Itinampok sa SM City Grand Central ang 55 kumpanya mula sa mga pangunahing sektor tulad ng retail, food and beverage, information technology (IT), at business process outsourcing (BPO) na nag-aalok ng kabuuang 5,501 job openings habang maroon namang 30 kalahok na kumpanya sa job fair sa SM City Valenzuela na nagbibigay ng 2,555 job listings.

Bilang karagdagan sa mga prospect ng trabaho na ibinibigay ng mga kalahok na kumpanya at organisasyon, ang mga naghahanap ng trabaho ay may access sa komprehensibong one-stop-shop na mga serbisyo. Kabilang sa mga serbisyong ito ang NBI clearance, SSS membership, community tax certificates, police clearances, at PhilHealth membership na lahat ay nakatuon sa mabilis na pagsubaybay sa posibleng trabaho ng mga jobseekers.

Nananatiling matatag ang SM Supermalls sa misyon nito na palakasin ang paglikha ng trabaho at bigyang kapangyarihan ang manggagawang Pilipino. Ang Labor Day Job Fair na ito ay minarkahan ang ikalawang yugto ng mall-based job fair event ngayong taon, kasunod ng matagumpay na job fair na ginanap sa SM City Grand Central noong Pebrero 16, 2024, kung saan 119 na aplikante ang natanggap kaagad.

Ang overseas job fair naman ng SM City Valenzuela noong Marso 5, 2024, ay nagpakita rin ng mahigit 3,000 global opportunities sa mga bansang Australia, Canada, Germany, United Arab Emirates, Japan, Singapore, China, at iba pang Asian countries. (Richard Mesa)