PBBM, hindi alam kung paano maging Pangulo- VP Sara
- Published on October 21, 2024
- by @peoplesbalita
MATAPANG na sinabi ni Vice President Sara Duterte na hindi alam ni Pangulong Ferdinand Marcos Jr., kung paano maging Pangulo ng Pilipinas kaya’t hindi na kataka-taka kung ang bansa ay “on this road to hell”.
“Hindi ko kasalanan that we’re on this road to hell… Hindi marunong maging presidente ang nakaupo. Kasalanan ko ba ‘yun? Hindi,” ang pahayag ni VP Sara.
“Kasi kung alam mo naman na may kakulangan ka, bibilisan mo yung gagawin mo para mag-catch up. Hindi ka naman uupo lang doon,” ang dagdag na wika nito.
Kung maalala nagsanib pwersa sina Pang. Marcos at VP Sara nuong nakaraang 2022 Presidential elections sa ilalim na Unity Team.
Sa unang dalawang taon naging maganda ang relasyon ng dalawa subalit pagpasok ng ikatlong taon ay unti-unti ng nagkakalamat hanggang sa nuong buwan ng Hunyo ay nagbitiw sa pwesto bilang DepEd Secretary si VP Sara.
Inihayag din ng Pangalawang Pangulo na hindi sila magka-ibigan ni Pang. Marcos dahil nagkakilala lamang sila nuong kasagsagan na ng kampanya kaya hindi niya ito kilala.
Aniya ang kanyang kaibigan ay si Senator Imee Marcos.
Sinabi ni VP Sara na huli silang nagkausap ni Pang. Marcos noong magtungo siya sa Malakanyang at ibigay ang kaniyang resignation bilang kalihim ng Department of Education (DepED). (Daris Jose)
-
Ukraine president Zelenskiy tinawagan ni Pope Francis; nagpaabot nang panalangin sa bansa – Vatican
IPINAABOT ni Pope Francis kay Ukrainian President Volodymyr Zelenskiy ang kanyang “most profound pain” sa dinaranas ngayon ng bansa, ayon sa Ukrainian Embassy sa Vatican. Inanunsyo ng embahada ang pag-uusap na ito nina Pope Francis at Zelenskiy sa pamamagitan ng isang tweet. Sa isang panayam, sinabi ng isa sa mga opisyal […]
-
Sentimyento ni FL Liza Marcos, ipinagtanggol ni PBBM
IPINAGTANGGOL ni Pangulong Ferdinand Marcos Jr., si First Lady Liza Marcos sa mga sentimyento at saloobin nito laban kay Vice President Sara Duterte. Sa isang panayam sa Occidental Mindoro sinabi ng Punong Ehekutibo na hindi sanay sa pulitika ang kaniyang asawa. Sinabi ng Pangulo na hindi kasi gaya nila na manhid […]
-
6 pang probinsya, nagtala ng ASF outbreak – DA chief
IBINUNYAG ng Department of Agriculture (DA) na nakapagtala pa sila ng outbreak ng African swine fever (ASF) sa anim na karagdagang probinsya sa buong bansa. Ayon kay DA Sec. William Dar, may na-monitor silang mga ASF outbreaks sa mga lalawigan ng Albay, Laguna, Quirino, Batangas, Quezon, at Cavite. “Ang mga kawani ng Kagawaran […]