6 Chinese PDL nakatakas sa kulungan muling naaresto ng QCPD
- Published on June 26, 2020
- by @peoplesbalita
Muling naaresto ng mga tauhan ng Quezon City Police District Tactical Motorized Unit (TMU) at Criminal Investigation Unit (CIDU) ang anim na Chinese PDL o Persons Deprived of Liberty sa ikinasang tracking operations bandang alas- 9:30 ng gabi nuong Martes June 23, 2020 malapit sa isang creek sa Mapagkumbaba St. corner Fugencio St. Brgy. Cruz na Ligas, Quezon City.
Ito ang kinumpirma ni Quezon City Police District Director (QCPD) Police Brigadier General (PBGEN) Ronnie S Montejo.
Kinilala ni Montejo ang anim na naarestong Chinese na sina Zhang Yi Xin, Ludong Jin, Song Qicheng, Lu Yinliang, Huang Yong Qiao at Chen Bin.
Nadiskubring missing o nawawala ang anim na Chinese PDL ng magsagawa ng headcount sa temporary detention facility sa loob ng Camp Karingal nuong June 22, 2020.
Siniguro naman ni Montejo kahit muling naaresto ang anim na mga Chinese, magpapatuloy pa rin ang kaso laban sa 15 pulis na naka assign sa District Mobile Force Battalion na sila ang naka duty ng mangyari ang insidente.
Sinabi ni Montejo ang anim na Chinese ay kasama sa 51 na may Commitment Order na sa kasong Syndicated Estafa na inilabas ni Judge Jesus P Mupas ng RTC Branch 122 .
Kasong administratibo at criminal ang kahaharapin ng mga ito.
Agad namang dinis-armahan ang mga nasabing pulis dahil sa paglabag sa Article 224 of the Revised Penal Code otherwise known as Evasion through Negligence.
Pinuri ni Montejo ang mga tropa na responsable sa re-capture ng anim na Chinese PDL.
Dahil sa insidente sinibak sa pwesto ni BGen Montejo ang 15 pulis kabilang ang isang Police major. (Daris Jose)
-
Mangingisda sugatan sa pananaksak sa Navotas
MALUBHANG nasugatan ang isang 37-anyos na mangingisda matapos pagsasaksakin ng isang lalaki sa Navotas City, kamakalawa ng gabi. Ginagamot sa Tondo General Hospital sanhi ng tinamong saksak sa katawan ang biktimang si Arnold Fatagani, ng Pescador St., Brgy. Bangkulasi. Nakapiit naman ngayon sa detention cell ng Navotas police habang nahaharap sa […]
-
Tinawanan pa nang sitahin kaya lalong nag-init ang ulo… Broadway Legend na si PATTI LUPONE, may mga tinalakan dahil sa pagsusuot ng facemask
NAKATIKIM ng talak ang dalawang tao mula sa Broadway Legend na si Patti Lupone dahil ayaw nilang ayusin ang pagsuot ng kanilang facemask habang nasa loob sila ng American Theatre Wing. Ayon sa two-time Tony Award-winning actress, sinita na raw niya ang dalawa tungkol sa kanilang facemask habang nasa entablado siya para sa Q&A […]
-
Maharlika Fund inakyat sa SC, pinadedeklarang unconstitutional
IPINADEDEKLARANG ‘unconstitutional’ ng Makabayan bloc sa Korte Suprema ang pagsertipika ni Pangulong Ferdinand Marcos Jr., bilang urgent sa panukalang paglikha ng Maharlika Investment Fund (MIF) na naglalayong matugunan ang public emergency o kalamidad sa bansa. Nitong Lunes ay naghain ng petisyon ang Makabayan bloc sa Korte Suprema na hiniling na ideklarang unconstitutional at […]