6 na tulak nalambat sa Navotas drug bust, higit P.2M droga, nasamsam
- Published on November 19, 2024
- by @peoplesbalita
AABOT sa mahigit P.2 milyong halaga ng shabu ang nasabat sa anim na hinihinalang drug personalities, kabilang ang 55-anyos na ginang matapos matimbog ng pulisya sa magkakahiwalay na buy bust operation sa Navotas City.
Sa kanyang report kay Northern Police District (NPD) Director P/Col. Josefino Ligan, sinabi ni Navotas plice chief P/Col. Mario Cortes na alas- 1:39 ng madaling araw nang maaresto ng mga operatiba ng Station Drug Enforcement Unit (SDEU) sa buy bust operation sa M. Naval St., Brgy. Bangkulasi, sina alyas “Apeng”, 38, at alyas “Jepoy”, 31, kapwa ng lungsod.
Ani SDEU chief P/Capt. Luis Rufo Jr., nakumpiska nila sa mga suspek ang abot 10.27 grams ng hinihinalang shabu na may standard drug price value na P69,836.00 at buy bust money.
Dakong alas-12:55 ng hating gabi nang madakma naman ng kabilang team ng SDEU sa buy bust operation din sa Matangbaka St., Brgy. NBBS Dagat dagatan, sina alyas “Jun”, 34, at alyas “Vicky”, 55, at nakuha sa kanila ang nasa 10.48 grams ng umano’y shabu na nagkakahalaga ng P71,264.00.
Nauna rito, nakalawit naman ng mga tauhan ni Capt. Rufo sa buy bust operation sa Lourdes Compound, Brgy. Daanghari bandang alas- 2:41 ng madaling araw sina alyas “Bay”, 32, at alyas “Chukoy”, 34. Nasamsam sa kanila ang humigi’t kumulang 10.28 grams ng hinihinalang shabu na may katumbas na halagang P69,904.00 at buy bust money.
Pinuri naman ni Col. Ligan ang Navotas police sa kanilang pinaigting na kampanya kontra illegal na droga na nagresulta sa pagkakadakip sa mga suspek na pawang mahaharap sa kasong paglabag sa RA 9165 o ang Comprehensive Dangerous Drug Act of 2002. (Richard Mesa)
-
Cleveland employees aayudahan, Love ‘magpapasweldo’
MAMUMUDMOD ng $100,000 o mahigit P5-M si Cleveland Cavaliers star Kevin Love bilang ayuda sa mga empleyado ng kanilang playing arena na naapektuhan ng suspension ng laro ng NBA dahil sa coronavirus disease. Ayon kay Love, hindi lamang siya nababahala sa basketball at sa halip ay sa mga tao na nasa likod tuwing sila […]
-
Kinaiinisang character ni AIKO, kinailangan na palitan ni SHERYL dahil ‘di na puwedeng mapanood sa serye
NAGULAT ang netizens na sumusubaybay sa top-rating GMA afternoon prime drama na Prima Donnas nang sa last scene noong Friday ay pinalitan na ni Sheryl Cruz ang character ni Aiko Melendez bilang si Kendra. Last series na ginawa rin ni Sheryl last year sa GMA ay ang Magkaagaw na isa rin siyang kontrabida, […]
-
May tsikang nagkalabuan na rin sila ni Paulo: KIM, balitang inisnab si JANINE at si JANELLA ang bineso-beso
AS of press time ay palabas na ng hospital si Senator Bong Revilla after sumailalim sa isang operasyon ng Achilles tendon sa kanang paa niya. Siyempre, nalungkot si Sen. Bong at kahit pinayagan na siyang maka labas ay need pa ring ipahinga ang katawan ng tatlong buwan. huh! Kaya apektado ang nasimulan niyang […]