7 arestado sa sugal at shabu sa Navotas
- Published on January 25, 2021
- by @peoplesbalita
Arestado ang pitong katao, kabilang ang isang byuda matapos maaktuhan ng mga tauhan ng Maritime Police na naglalaro ng ilegal na sugal at makuhanan ng shabu ang apat sa kanila sa Navotas city.
Kinilala ni Northern NCR Maritime Police Station (MARPSTA) head P/Major Rommel Sobrido ang mga naarestong suspek na nahaharap sa kasong paglabag sa RA 9165 o Comprehensive Dangerous Drug Act of 2002 na si Marilyn Blance, 55, byuda, Norlito Faustino, 47, Angelito Lee, 43, at kapatid nito na si Manuel Lee, 51, pawang mangingisda.
Habang nahaharap naman sa kasong paglabag sa P.D. 1602 as amended by R.A. 9287 (Illegal Gambling) ang tatlong mangingisda din na si Elmer Laurente, 56, Artemio Linehan, 45, at Celso Cahilig”, 48.
Ayon kay PSMS Nemesio “Bong” Garo, dakong 1 nang hapon nang ipadala ni Maj. Sobrido ang isang team ng kanyang mga tauhan sa pamumuno ni PLT Erwin Garcia upang alamin ang natanggap nilang ulat hinggil sa umano’y nagaganap na pot session sa isang bangkang pangisda na FBCa JUNJUN na nakadaong sa Break Water ng Navotas.
Pagdating sa lugar, nakita ng mga pulis ang mga suspek na nagsisiksikan sa naturang bangka kung saan naaktuhan ang tatlo sa kanila na naglalaro ng sugal na “Pusoy” habang nakuhanan naman ang apat ng hinihinalang shabu dahilan upang arestuhin ang mga ito.
Narekober sa mga suspek ang isang deck ng baraha, P500 bet money at pitong plastic sachets na naglalaman ng hinihinalang shabu na nasa P4,900 ang halaga. (Richard Mesa)
-
RIDER PATAY, ANGKAS SUGATAN
TODAS ang isang 23-anyos rider habang malubha namang nasugatan ang kanyang angkas matapos bumangga sa isang pampasaherong jeep ang kanilang sinasakyang motorsiklo sa Caloocan city, kahapon ng madaling araw. Dead-on-arrival sa Tondo General Hospital sanhi ng tinamong pinsala sa ulo at katawan si Arvin Sarmiento, helper ng 35 B Anneth St. Marulas, Valenzuela city. […]
-
Siguraduhin na ang ‘sabong’ operations ay susunod sa health protocols- DILG
IPINAG-UTOS ng Department of the Interior and Local Government (DILG) sa lahat ng local government units (LGUs) na tiyakin na ang pagpapatuloy ng cockpit operations at ang pagbabalik ng tradisyonal na “sabong” sa mga lugar na nasa ilalim ng Alert Level 2 o o mas mababa pa ay hindi magiging super spreader events ng Covid-19 […]
-
PNP pinagbabawalan na ang pulis na may nakalantad na tattoo
NAGLABAS Philippine National Police (PNP) ukol sa pagkakaroon ng mga tattoo ng mga personnel, applicants at maging ang mga kadete sa akademiya. Ayon kay PNP spokesperson Col. Jean Fajardo, na lamang ng PNP Memo 2024-023 na dapat magsumite ng affidavit na kanilang tatanggalin ang mga tattoo ng mga personnel na nakalantad. […]