RIDER PATAY, ANGKAS SUGATAN
- Published on December 29, 2020
- by @peoplesbalita
TODAS ang isang 23-anyos rider habang malubha namang nasugatan ang kanyang angkas matapos bumangga sa isang pampasaherong jeep ang kanilang sinasakyang motorsiklo sa Caloocan city, kahapon ng madaling araw.
Dead-on-arrival sa Tondo General Hospital sanhi ng tinamong pinsala sa ulo at katawan si Arvin Sarmiento, helper ng 35 B Anneth St. Marulas, Valenzuela city.
Inoobserbahan naman sa naturang pagamutan sanhi rin ng mga pinsala sa ulo at katawan ang kanyang back rider na si Dexter De Asis, 29, delivery helper ng Sangandaan, Caloocan city.
Nahaharap naman sa kasong Reckless Imprudence resulting in Homicide at Serious Physical Injury ang driver ng Isuzu Jitney (PUJ) na may plakang (NWJ-921) na si Geniroso Vergara, 29 ng Dizon St., Brgy. 2, Caloocan city.
Sa nakarating na ulat kay Caloocan police chief Col. Samuel Mina Jr., alas-12:20 ng madaling araw nang maganap ang insidente sa kahabaan ng A. Mabini St. corner P. Gomez II, Brgy. 5, habang minamaniobra ni Vergara ang naturang jitney nang sumalpok ang sinasakyang motorsiklo ng mga biktima na patungong Sangandaan sa kanang bahagi nito.
Sa lakas ng pagkakasalpok, tumilapon ang mga biktima at bumagsak sa simentadong kalsada na naging dahilan upang mabilis silang isinugod sa naturang pagamutan habang kusang loob naman na sumuko sa pulisya si Vergara. (Richard Mesa)
-
60 milyong mga Filipino voters maglalabasan
ISANG malaking hamon sa gobyerno ang paparating na May 9, 2022 national elections dahil dito ay siguradong maglalabasan ang may 60 milyong mga Filipino voters at pupunta sa kani- kanilang voting precints. Sa Talk to the People ni Pangulong Rodrigo Roa Duterte, araw ng Miyerkules, sinabi ni DILG secretary Eduardo Ano na ngayon […]
-
INDIAN CREW MEMBER, TINULUNGAN NG PCG
KINAKAILANGAN na idi-embark at tulungan ng Philippine Coast Guard (PCG) ang isang Indian crew member ng bulk carrier mula sa isang international vessel matapos maaksidente habang naglalayag sa katubigan ng Pilipinas. Ayon sa PCG, nagsagawa ang coast guard ng medical evaluation sa MV Formento Two sa may 8.3 nautical miles southeast ng Virac […]
-
40 BI officials na sangkot sa ‘Pastillas Scheme’ sinabon at pinakain ng pera
MAHIGIT 40 opisyal ng Bureau of Immigration (BI) na sangkot sa “Pastillas Scheme” ang ipinatawag ni Pangulong Rodrigo Duterte sa Malacañang. Ito ang mga tauhan ng BI na nakatalaga sa airport na tumatanggap ng pera na suhol para makabilis na makapasok sa bansa ang mga Chinese nationals king saan nakarolyo ang perang suhol sa […]