7 days quarantine na lang sa ‘bakunadong’ travelers
- Published on June 7, 2021
- by @peoplesbalita
Iniklian na ng Inter-Agency Task Force (IATF) for the Management of Emerging Infectious Diseases sa pitong araw ang quarantine protocol para sa mga Pinoy travelers na papasok ng bansa na nakumpleto ang bakuna laban sa COVID-19 dito sa Pilipinas.
Ayon kay Presidential spokesperson Harry Roque, sa mga quarantine facility pa rin dadalhin ang mga sasailalim sa quarantine na istrikong babantayan ng Bureau of Quarantine (BOQ) kung magkakaroon sila ng sintomas.
Hindi na rin mandatory ang COVID-19 testing pagdating, maliban na lang kung nakaramdam ng sintomas ang indibiduwal habang nagka-quarantine.
Kabilang sa mga kwalipikado sa bagong panuntunan ay ang mga inbound travelers na nakatanggap ng dalawang dose; at isang dose para sa single-dose vaccine.
Kailangan lang matiyak na ang bakunang itinurok sa kanila ay ’yung may emergency use o compassionate special permit sa Pilipinas.
Dapat din dala-dala ng mga pasahero ang kanilang vaccination card na sasailalim sa beripikasyon bago at pagkatapos lumabas ng bansa.
Ayon kay Health Usec. Maria Rosario Vergeire, itinuturing na “green lane” sa entry at exit points ng bansa ang bagong panuntunan.
Ang nasabing kautusan ay para lamang sa mga biyahero na sa loob ng Pilipinas nakumpleto ang bakuna.
Hindi kasama ang mga foreign nationals at mga Filipino na nakumpleto ang bakuna sa labas ng bansa.
Kinakailangan nilang dumaan sa regular quarantine at testing protocols na 10-day facility-based quarantine. (Gene Adsuara)
-
DILG binalaan si Gov. Garcia, mahaharap sa legal action kapag itinuloy ang optional mask EO
SINABI ng Department of the Interior and Local Government (DILG) na gagawa sila ng legal action laban kay Cebu Governor Gwendolyn Garcia kapag itinuloy nito ang pagsuway sa mask mandate ng gobyerno sa gitna ng coronavirus pandemic. “Ganun ang mangyayari diyan. Kapag patuloy nila yan gagawin at nagkakaroon na talaga tayo ng injury, […]
-
Restored version ng ‘Anak Dalita’, mapapanood sa libreng video-on-demand
BILANG pagtugon sa hiling na habaan ang ika-4 na Pista ng Pelikulang Pilipino (PPP), at dahil sa pagdagdag sa lineup na mayroong 170 na pelikula, at para mapaunlakan ang final fine-tuning ng ibang pelikula sa PPP Premium Selection section, extended na ang festival ng Film Development Council of the Philippines (FDCP) mula sa 16 na […]
-
LATEST PHOTOS THAT ARE MUST-SEE SCENES IN CINEMAS IN CHRISTOPHER NOLAN’S MOST AMBITIOUS FILM TO-DATE “OPPENHEIMER” (PART 1)
Universal Pictures has just released the latest photos of Christopher Nolan’s latest epic film “Oppenheimer” that will open in cinemas (PH) nationwide on July 19. The photos are so stunning that one can’t help but get excited on how it will finally roll in cinemas! But first let’s meet the characters of […]