8-0 sinakmal ng Lady Bulldogs
- Published on May 28, 2022
- by @peoplesbalita
PATULOY ang pananalasa ng National University matapos pataubin ang De La Salle University, 25-21, 25-20, 25-17, upang maikonekta ang ikawalong sunod na panalo kagabi sa UAAP Season 84 women’s volleyball tournament sa Mall of Asia Arena sa Pasay City.
Bumandera sa matikas na kamada ng Lady Bulldogs si wing spiker Princess Robles na nagpakawala ng matatalim na atake sa buong panahon ng laro para manduhan ang opensa ng kanilang tropa.
Kumana si Robles ng 15 attacks at dalawang aces habang nagdagdag naman si Michaela Belen ng 15 hits para sa Lady Bulldogs na matatag na nakakapit sa solong pamumuno bitbit ang 8-0 baraha.
Nalaglag ang La Salle sa ikatlong puwesto tangan ang 5-3 marka.
Naitakas naman ng University of Santo Tomas (UST) ang pahirapang 24-26, 20-25, 25-21, 25-23, 15-12 desisyon sa Adamson University para makuha ang ikaanim na panalo.
Namayani rin ang University of the Philippines sa University of the East, 25-23, 26-24, 25-17 habang nanalo ang Ateneo sa Far Eastern University, 25-22, 25-13, 25-23.
Magkakasalo na ang Adamson, UP at Ateneo sa ikaapat na puwesto tangan ang magkakatulad na 4-4 baraha.
-
SOLUSYON SA PANDEMYA, GUSTONG MARINIG NG SIMBAHAN SA SONA
UMAASA na may ginawa o gagawin at gagawin ng pamahalaan bilang tugon sa pandemyang nararanasan ng Pilipinas ang nais na marinig ni Manila Apostolic Bishop Broderick Pabillo sa nakatakdang ika-5 State of the Nation Address ng Pangulong Rodrigo Duterte. Ayon kay Manila Apostolic Bishop Broderik Pabillo na ito ang pangunahing suliranin ng bansa […]
-
Morale ng PNP, mataas pa rin kahit may isyu kay Nuezca
PLANO ng Philippine National Police (PNP) na palagiang magsagawa ng neuro examination sa kanilang hanay. Sa Laging Handa public press briefing ay sinabi ni PNP Spox PGen Ildebrandi Usana na posible na nila itong isagawa ngayon kada anim na buwan o kada isang taon. Aniya, layon nito na masuring mabuti ang behaviour ng isang pulis. […]
-
Napaulat na hacking sa Comelec data, iimbestigahan ng DICT cyber security bureau
MAGSASAGAWA ng sariling imbestigasyon ang Department of Information and Communications Technology (DICT) hinggil sa di umano’y hacking incident sa Commission on Elections’ (Comelec) data. Sa katunayan, ipinag-utos ni Acting Secretary Emmanuel Rey Caintic sa Cybersecurity Bureau ng departamento na magsagawa ng sarili nitong imbestigasyon ukol sa napaulat na hacking sa data ng komisyon. […]